Şymkentte kämeletke tolmaǧan qyzǧa tiıstı degen küdıkpen 36 jastaǧy azamat ūstaldy, dep habarlaidy "Adyrna" ūlttyq portaly.
BAQ deregınşe, oqiǧa 25 aqpanda mektep aumaǧynda bolǧany aitylady.
Jäbırlengen balanyŋ anasy oqiǧa turaly baiandap, aryz jazǧan.
Onyŋ sözınşe, qyzy sabaqtan keiın üige kelgende küdıktı turaly aitqan.
"Menıŋ 7 jasar qyzyma aǧaiy tiısken. Saǧat 12:40 şamasynda sabaqtan keldı. Öŋı bırtürlı, közıne jas tolyp tūr. Qyzym, ne boldy dep sūrap edım, "ūiat qoi, mama" dep aitqysy kelmei tūr. Sodan jaǧdaidy dūrystap sūrai bastadym", - delıngen anasynyŋ jazbasynda.
Küdıktı polisiia bölımıne jetkızılgen. Qazırgı uaqytta jedel-tergeu toby ıstıŋ barlyq män-jaiyn jan-jaqty ärı obektivtı anyqtauǧa baǧyttalǧan keşendı şaralar jürgızude.
Ūqsas jaŋalyqtar
