Qazaqstanda äuejai maŋyndaǧy zaŋsyz ǧimarattar jappai sürıledı. Kölık ministrlıgınıŋ mälımetınşe, būl şaralar äue kemelerınıŋ qauıpsız ūşyp-qonuyn qamtamasyz etedı, dep habarlaidy “Adyrna” ūlttyq portaly.
KTK telearnasynyŋ mälımetınşe, ministrlık äuejaiǧa tym jaqyn salynǧan ǧimarattardyŋ sanyn anyqtaudy bastap ketken. Erejenı jan-jaqty talqylaǧan komissiia müşelerı sürıluge jatatyn nysan qojaiyndaryna qanşa ötemaqyny berıletının älı şeşpeptı. Sondai-aq jaŋa özgerıster äuejai aimaǧynda biık ǧimarattar men egıs alqaptarynyŋ müldem bolmauyn közdeidı.
“Äuejai maŋynda auyl şaruaşylyq fermalary, qūs ösıretın fabrikalar ornalaspauy tiıs. Iаǧni nysannyŋ jūmysyna eşteŋe kedergı keltırılmeuı kerek. Sanitarlyq-qorǧanys aimaǧy bolyp eseptelgendıkten, būl maŋda jer üi qūrylysyna rūqsat etılmeidı. Qaita-qaita ūşaqtardyŋ ūşuynan auaǧa bölınetın qaldyqtar äuejai maŋynda tūratyn adamdardyŋ densaulyǧyna kerı äser etuı mümkın”, – dedı "Qazaqstannyŋ aviasiialyq äkımşılıgı" AQ aerodromdar departamentınıŋ inspektory Mūhtarbek Tūrlybekov.
