Qazaqstanda áýejaı mańyndaǵy zańsyz ǵımarattar jappaı súriledi. Kólik mınıstrliginiń málimetinshe, bul sharalar áýe kemeleriniń qaýipsiz ushyp-qonýyn qamtamasyz etedi, dep habarlaıdy “Adyrna” ulttyq portaly.
KTK telearnasynyń málimetinshe, mınıstrlik áýejaıǵa tym jaqyn salynǵan ǵımarattardyń sanyn anyqtaýdy bastap ketken. Erejeni jan-jaqty talqylaǵan komıssııa músheleri súrilýge jatatyn nysan qojaıyndaryna qansha ótemaqyny beriletinin áli sheshpepti. Sondaı-aq jańa ózgerister áýejaı aımaǵynda bıik ǵımarattar men egis alqaptarynyń múldem bolmaýyn kózdeıdi.
“Áýejaı mańynda aýyl sharýashylyq fermalary, qus ósiretin fabrıkalar ornalaspaýy tıis. Iaǵnı nysannyń jumysyna eshteńe kedergi keltirilmeýi kerek. Sanıtarlyq-qorǵanys aımaǵy bolyp eseptelgendikten, bul mańda jer úı qurylysyna ruqsat etilmeıdi. Qaıta-qaıta ushaqtardyń ushýynan aýaǵa bólinetin qaldyqtar áýejaı mańynda turatyn adamdardyń densaýlyǵyna keri áser etýi múmkin”, – dedi "Qazaqstannyń avıaııalyq ákimshiligi" AQ aerodromdar departamentiniń ınspektory Muhtarbek Turlybekov.
