Bir apta ishinde Nur-Sultan áýejaıynda «sary» statýsty 36 jáne «qyzyl» statýsy bar 39 jolaýshy anyqtaldy, dep habarlaıdy "Adyrna" ulttyq portaly.
Algorıtm boıynsha «qyzyl» mártebesi bar jolaýshylar jedel járdem kelgenge deıin oqshaýlanǵan, sodan keıin olar aýrýhanaǵa jatqyzyldy.
Jolaýshylar áýejaıǵa kelmes buryn Ashyq qosymshasyn júktep alyp, óz statýsyn aldyn-ala tekserip alýy kerek.
Ushýǵa ruqsat joq bolǵan jaǵdaıda aqshany qaıtarýǵa qatysty suraqtar áýe kompanııasyna jiberilýi tıis.
"Ǵımarat kireberisindegi áýejaı qyzmetkerlerinde arnaıy planshetter bar. Smartfondary joq jolaýshylar JSN-in qyzmetkerlerdiń plansheti arqyly engizip, olar týraly málimet bile alady. JSN-i joq sheteldik jolaýshylarǵa keletin bolsaq, olar óz statýsyn áýejaı qyzmetkerleriniń planshetindegi tólqujat nómiri arqyly teksere alady", dep habarlady áýejaıdyń baspasóz qyzmeti.
12 mamyrda Ashyq jobasy Nursultan Nazarbaev atyndaǵy halyqaralyq áýejaıynda tolyǵymen iske qosyldy.
Ashyq qosymshasyndaǵy aqparat Densaýlyq saqtaý mınıstrliginiń jalpy málimetter bazasymen ıntegraııalaný arqyly jetkiziledi jáne ol qazirgi ýaqytta vırýstyń tasymaldaýshysy bolyp tabyla ma, joq pa, soǵan baılanysty jolaýshynyń statýsyn anyqtaıdy.
"Adyrna" ulttyq portaly
