Qazaqstanǵa oralǵan azamattardyń qan quramynda «qazaq genomy» bar-joǵy tekserilýi múmkin. Bul týraly Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev málimdedi, dep habarlaıdy «Adyrna» tilshisi.
Aıtýynsha, s«qandas» mártebesin alǵysy keletin úmitkerlerde ulty kórsetilgen qujat bolmasa nemese ákimdikte qandaı da bir kúmán týyndasa, saraptama júrgiziledi. Al komıssııa quramyna jumyspen qamtý, bilim berý, ishki saıasat jáne ishki ister basqarmalarynyń, ulttyq qaýipsizdik komıteti ókilderi kiredi.
«Budan bólek, ultty aıqyndaý salasyndaǵy professorlar men sarapshylar qatysady. Olar ultyn rastaı almaǵan ár azamattyń ótinishin ujym bolyp qarap, oǵan qandas dárejesin berýge bola ma degen máseleni sheshedi. Komıssııada qandaı da bir kúmán týyndaǵan jaǵdaıda genomdyq saraptama júrgiziledi. Saraptama arqyly azamattyń qazaq ultyna qatysy bar-joǵy anyqtalady», - dep túsindirdi ol.
