Qazaqstanǧa köşıp kelmek bolǧan 32 jastaǧy Sami Ata Gül esımdı auǧanstandyq azamat Astana äuejaiynda elde qaluy üşın qūjatyn jyrtty. Aituynşa, onyŋ Qazaqstanda qalu turaly ötınışı qabyldanbai, deportasiialau turaly şeşım qabyldanǧan, dep habarlaidy “Adyrna” portaly Stan.kz aqparat agenttıgıne sıltep.
Qandas Sami Ata Gül Auǧanstanda tuyp-ösken. Ol Qazaqstanǧa ötken jyly küzde kelıp, keiın atamekenınde qaluǧa şeşım qabyldaǧan. Osylaişa azamattyq aluǧa qūjat tapsyrǧan. Alaida bilıktegıler oǧan azamattyq beruden bas tartyp, el aumaǧynda bolu erejelerın būzdy dep aiyptap, deportasiialau turaly şeşım qabyldaǧan. Sami Ata Gül būl şeşımmen kelıspei, onyŋ qorǧauşysy deportasiialau turaly sot şeşımıne şaǧymdanǧan. Degenmen būǧan qaramastan, poliseiler azamatty ūstap, äuejaiǧa deiın alyp kelgen. Eşqaida ketpes üşın Ata Gül äuejaida tölqūjatyn jyrtqan. Sebebı ūşaqqa tölqūjatsyz kırgızbeidı. "Auǧanstanda tuǧanyma kınälımın be? Eşkımdı öltırmedım, ötırık aitpadym", - dep aşulandy jas jıgıt. Düniejüzılık qazaqtar qauymdastyǧynyŋ Astanadaǧy ökılı Baqyt Saraidyŋ aituynşa, Aqmola oblysy Selinograd audanynyŋ Köşı-qon polisiiasynyŋ üş qyzmetkerı Ata Güldı tıkelei jatyn ornynan alyp ketken. Keiın ony bır täulıkke juyq uaqyt ızdegenın aitady. “Olar taŋǧy saǧat 7:30-da biletke alyp, ony elden küştep deportasiialauǧa tyrysty. Ony metall jaqtaudan ötuge mäjbürlegen. Bıraq Sami öz otanynan ketpeitının aityp, pasportyn jyrtyp tastapty”, - dedı Baqyt Sarai. Sami tölqūjatyn jyrtqannan keiın de polisiia oǧan äuejai ǧimaratynan ketuge rūqsat bermegen eken. "Olar bızge prokuraturadan qūjattardy äkeluımızdı talap ettı. Sonda ǧana onyŋ qorǧauşysy retınde maǧan ony äuejaidan alyp ketuıme rūqsat etedı eken. Qajettı qaǧazdardy aluǧa ketkenımızde Selinograd audanynyŋ Köşı-qon polisiiasy Sami Ata Güldı belgısız baǧytqa alyp ketken. Bız onyŋ qaida ekenın älı bılmeimız", – dep qosty Baqyt Sarai. Baqyt saraidyŋ aituynşa, Auǧanstanda Qazaqstanǧa köşu üşın viza ala almai jürgen qazaqtar köp. Al Sami Ata Güldıŋ qaida ketkenı turaly jauapty Selinograd audanynyŋ polisiia bölımı älı künge deiın bermegen.Ūqsas jaŋalyqtar
