Atamekennen ketkisi kelmeıdi. Aýǵandyq qandas qujatyn jyrtqan soń joǵalyp ketti

1615
Adyrna.kz Telegram

Qazaqstanǵa kóship kelmek bolǵan 32 jastaǵy Samı Ata Gúl esimdi aýǵanstandyq azamat Astana áýejaıynda elde qalýy úshin qujatyn jyrtty. Aıtýynsha, onyń Qazaqstanda qalý týraly ótinishi qabyldanbaı, deportaııalaý týraly sheshim qabyldanǵan, dep habarlaıdy “Adyrna” portaly Stan.kz aqparat agenttigine siltep.

Qandas Samı Ata Gúl Aýǵanstanda týyp-ósken. Ol Qazaqstanǵa ótken jyly kúzde kelip, keıin atamekeninde qalýǵa sheshim qabyldaǵan. Osylaısha azamattyq alýǵa qujat tapsyrǵan. Alaıda bıliktegiler oǵan azamattyq berýden bas tartyp, el aýmaǵynda bolý erejelerin buzdy dep aıyptap, deportaııalaý týraly sheshim qabyldaǵan.

Samı Ata Gúl bul sheshimmen kelispeı, onyń qorǵaýshysy deportaııalaý týraly sot sheshimine shaǵymdanǵan. Degenmen buǵan qaramastan, polıeıler azamatty ustap, áýejaıǵa deıin alyp kelgen. Eshqaıda ketpes úshin Ata Gúl áýejaıda tólqujatyn jyrtqan. Sebebi ushaqqa tólqujatsyz kirgizbeıdi.

"Aýǵanstanda týǵanyma kinálimin be? Eshkimdi óltirmedim, ótirik aıtpadym", - dep ashýlandy jas jigit.

Dúnıejúzilik qazaqtar qaýymdastyǵynyń Astanadaǵy ókili Baqyt Saraıdyń aıtýynsha, Aqmola oblysy elınograd aýdanynyń Kóshi-qon polıııasynyń úsh qyzmetkeri Ata Gúldi tikeleı jatyn ornynan alyp ketken. Keıin ony bir táýlikke jýyq ýaqyt izdegenin aıtady.

“Olar tańǵy saǵat 7:30-da bıletke alyp, ony elden kúshtep deportaııalaýǵa tyrysty. Ony metall jaqtaýdan ótýge májbúrlegen. Biraq Samı óz otanynan ketpeıtinin aıtyp, pasportyn jyrtyp tastapty”, - dedi Baqyt Saraı.

Samı tólqujatyn jyrtqannan keıin de polıııa oǵan áýejaı ǵımaratynan ketýge ruqsat bermegen eken.

"Olar bizge prokýratýradan qujattardy ákelýimizdi talap etti. Sonda ǵana onyń qorǵaýshysy retinde maǵan ony áýejaıdan  alyp ketýime ruqsat etedi eken. Qajetti qaǵazdardy alýǵa ketkenimizde elınograd aýdanynyń Kóshi-qon polıııasy Samı Ata Gúldi belgisiz baǵytqa alyp ketken. Biz onyń qaıda ekenin áli bilmeımiz", – dep qosty Baqyt Saraı.

Baqyt saraıdyń aıtýynsha, Aýǵanstanda Qazaqstanǵa kóshý úshin vıza ala almaı júrgen qazaqtar kóp. Al Samı Ata Gúldiń qaıda ketkeni týraly jaýapty elınograd aýdanynyń polıııa bólimi áli kúnge deıin bermegen.

Pikirler