Almaty qalasynyń qala qurylysyn baqylaý basqarmasy satyp alýǵa usynylmaıtyn turǵyn úı keshenderiniń tizimin jarııalady, dep habarlaıdy «Adyrna» tilshisi.
2024 jylǵy 26 qańtardaǵy jaǵdaı boıynsha bul tizim 45 turǵyn úı keshenin qamtıdy.
Basqarmanyń baspasóz qyzmeti olardyń arasynda qurylysqa ruqsat berilgen qujaty tolyq emes, sonymen qatar jobadan aýytqyǵan jáne basqa da buzýshylyqtarmen salynǵan birqatar turǵyn úı kesheni bar ekenin málimledi.
«Jyljymaıtyn múlikti satyp almas buryn Almaty qalasy Qala qurylysyn baqylaý basqarmasynyń +7 705 89 66 000 WhatsApp anyqtamalyq jelisi boıynsha turǵyn úı kesheniniń qujaty bar-joǵyna kóz jetkizýge keńes beremiz»,—dedi vedomstvodaǵylar.
Satyp alýǵa usynylmaıtyn turǵyn úı keshenderiniń tizimimen silteme arqyly tanysa alasyz.
