Almatyda taǧy bır zaŋsyz salynǧan tūrǧyn üi keşenı sürıledı, - dep habarlaidy "Adyrna" tılşısı qala äkımdıgınıŋ baspasöz qyzmetıne sılteme jasap.
Nauryzbai audanyndaǧy «Qadam» tūrǧyn üi keşenın būzu turaly sot oŋ şeşım şyǧarǧany habarlandy. Būǧan deiın Almaty qalasynyŋ qala qūrylysyn baqylau basqarmasy nysanda tekseru jürgızıp, säulet, qala qūrylysy jäne qūrylys qyzmetı salasynda bırqatar zaŋ būzuşylyqtardy anyqtaǧan bolatyn.
«4 qabatty köpqabatty tūrǧyn üidıŋ rūqsat qūjattarynsyz qūrylysy bastaldy. Tekseru nätijesı boiynşa «Qadam TK» JŞS-ne qatysty äkımşılık hattamalar jasalyp, keiınnen zaŋsyz salynǧan üidı būzu turaly talap-aryz qozǧaldy. Nätijesınde zaŋsyz salynǧan nysandy būzu turaly talap aryz qanaǧattandyryldy. Şeşım zaŋdy küşıne enedı dep kütılude», - delıngen habarlamada.Sondai-aq äkımdık tūrǧyndardyŋ jyljymaityn mülık satyp almas būryn salynyp jatqan üi turaly aqparatty tekserıp, senım telefony arqyly qūjattar paketın sūrai alatynyn eske saldy: +7 (727) 229-81-36.
"Adyrna" ūlttyq portaly
Ūqsas jaŋalyqtar
