Özbekstan ükımetı jaŋa qauly qabyldap, endı azamattarǧa jynysyn auystyru negızınde aty-jönı men äkesınıŋ atyn özgertuge rūqsat berdı. Tiıstı qūjat 13 mausymda normativtık-qūqyqtyq aktıler bazasynda jariialanǧanyn UzNews.uz jazdy, dep habarlaidy “Adyrna”.
Endı aty-jöndı özgertuge negız retınde medisinalyq mekeme bergen jynys auystyru turaly medisinalyq qorytyndy jaramdy bolyp sanalady. Būl prosedura būrynǧydai AHAJ organdary arqyly jürgızıledı.
Basylym jazǧandai, būǧan deiın jeke derekterdı özgertu tarihi jäne ūlttyq dästürlerge säikes, Özbekstan Respublikasynyŋ "Memlekettık tıl turaly" zaŋynyŋ 15-babynda körsetılgen normalar negızınde jüzege asyrylatyn. Mysaly, azamattar familiialaryndaǧy "-ov", "-ev" syndy orysşa jūrnaqtardan bas tartu arqyly özgerıs engıze alatyn. Mäselen, Jurnalistika jäne būqaralyq kommunikasiialar universitetınıŋ rektory Şerzodhon Qūdrathodja bırneşe jyl būryn resmi türde Qūdrathodjaev degen familiiadan bas tartqan.
Jaŋa zaŋ redaksiiasyna säikes, aty-jöndı kelesı jaǧdailarda da özgertuge rūqsat berıledı:
- eger jūbaiy nekedegı nemese ajyrasqannan keiıngı kezeŋde qyz kezındegı familiiasyn qaitarǧysy kelse;
- otbasy müşelerı bır familiiamen bolǧysy kelse;
- ata-analar balalarynyŋ äkesımen nemese anasymen, anasynyŋ qyz kezındegı tegımen, ögei äke nemese qamqorşynyŋ familiiasy boiynşa boluyn qalasa;
- 16 jasqa tolǧan adamǧa äkelık tanu räsımı jürgızılgen jaǧdaida;
- jynysyn auystyrǧan jaǧdaida.
Özbek parlamentınıŋ būrynǧy deputaty, qazırgı uaqytta respublika Ekologiia ministrınıŋ keŋesşısı Rasul Kuşerbaev būl özgerısterge qatysty äleumettık jelıdegı jazbasynda: «Mysaly, endı jynysyn auystyrǧan azamat Dilşod eş kedergısız esımın äiel nūsqasyna – Dilşoda etıp özgerte alady», – dep atap öttı.
