Eks-prezıdent Nursultan Nazarbaevtyń ekinshi áıeli Ásel Qurmanbaevaǵa qatysy bar Almaty teatry satylymǵa shyǵaryldy, dep habarlaıdy “Adyrna” ulttyq portaly QazTagqa silteme jasap.
Belgili bolǵandaı, teatr ókili teatrdy satý týraly aqparatty rastaı nemese joqqa shyǵara almady, sonymen qatar nysandy satýǵa qatysty suraqqa kim jaýap bere alatynyn da aıta almady.
«Ortalyq Azııa mádenıet pen ónerdi qoldaý qory» ónerge degen qyzyǵýshylyǵyn joǵaltty. Tipti, josparlanǵan qarjylandyrý da toqtatylǵan. Sońǵy derek boıynsha qazir olarda qatań tekserý júrip jatyr. «Shabyt» ýnıversıtetindegi «shıelenisten» soń Aıman Musahodjaeva óz erkimen qyzmetinen ketti. Odan soń horeografııa akademııasynda aýdıt júrgizildi, biraq shı shyqpady. Qazir Qurmanbaevanyń «basqan izi» tergelýde», – deıdi taǵy bir derekkózi.
Qazir Almaty teatrynyń birinshi dırektory – 25 jastaǵy Shalbaev Ersultan Myrzahanuly.
2023 jyly dırektor Shalbaev Almaty teatrynyń basshysy Dıana Zaırovanyń ornyn basqan. Keıin Zaırova men Qurmanbaevanyń baılanysy bary belgili boldy. Belgili bolǵandaı, Zaırova «Ortalyq Azııa mádenıet pen ónerdi qoldaý» qoryn basqardy. Al Qurmanbaeva Zaırova negizin qalaǵan «ATBco» JShS-in basqarǵan. Al «ATBco» klıentteriniń qataryna joǵaryda atalǵan Horeografııa akademııasy kiredi.
«Teatr «Halyq bankiniń» menshigindegi jerge Nazarbaevtyń kúıeý balasy Tımýr Qulybaevtyń ózi basqaratyn “Bazıs-A” kómegimen salynǵan degen boljam bar.
Qyzyǵy, ol quny 10 mıllıon turatyn teatrdy 50 mıllıon dollarǵa baǵalaǵan jáne Nazarbaevqa sol baǵany usynǵan degen de derekter aıtylady.
Joǵaryda aıtqandaı, 16 qańtarda belgili qazaqstandyq skrıpkashy Aıman Musahodjaeva Qazaq ulttyq óner ýnıversıtetiniń rektory qyzmetinen ketip, ýnıversıtet basshylyǵy aýysty. Sondaı-aq Abaı atyndaǵy Memlekettik akademııalyq opera jáne balet teatrynda da kadrlyq aýysýlar bolýy múmkin.
Eske salaıyq, buǵan deıin eks prezıdent Nursultan Nazarbaev jaryq kórgen «Meniń ómirim. Bodandyqtan – bostandyqqa» atty kitabynda ekinshi áıeli men odan súıgen eki uly baryn jazǵan bolatyn.
“Adyrna” ulttyq portaly
