Mäskeude Euraziialyq odaqqa qatysuşy elder balalardyŋ psihikalyq damuyna jaǧymsyz äser etuı yqtimal oiynşyqtarǧa qoiylatyn talaptardy äzırleuge kelıstı. Būl turaly Ükımettıŋ baspasöz qyzmetı aitty, dep habarlaidy «Adyrna» tılşısı.
«Psihologiialyq-pedagogikalyq qauıpsızdık» talaptaryn engızu ūsynysy qazırgı naryqta qorqynyşty, küş körsetu belgılerı bar, gibridtı jäne t. b. oiynşyqtardyŋ jiı kezdesuımen bailanysty jasalyp otyr. Keibır psihologtardyŋ pıkırınşe, mūndai «qorqynyşty» oiynşyqtar zorlyq-zombylyq pen agressiiamen bailanysty oiyn siujetın tudyrady.
Oiynşyqtarǧa arnalǧan qoldanystaǧy tehnikalyq reglamentte tek materialdarǧa, toksikologiialyq-gigienalyq jäne mikrobiologiialyq körsetkışterge, fizikalyq jäne mehanikalyq, himiialyq jäne elektrlık qasietterge, radiasiialyq qauıpsızdıkke qoiylatyn talaptar ǧana belgılengen. Osylaişa, naryqtan «qorqynyşty» oiynşyqtardy alyp tastau mümkın emes.
Otyrysta aitylǧan qazaqstandyq taraptyŋ pıkırınşe, būl mäselenı qarastyru üşın oiynşyqtyŋ balaǧa kerı äserın anyqtaityn ölşemderdı belgıleitın standarttar qajet.
«Balalardyŋ fizikalyq jäne psihikalyq densaulyǧyn qalyptastyrudyŋ maŋyzdylyǧy kümän tudyrmaidy. Qazaqstan 2015 jyly oiynşyqtarǧa psihologiialyq-pedagogikalyq saraptama jürgızu üşın tehnikalyq reglamentke özgerıster engızuge bastamaşy boldy. Ol kezde mūndai oiynşyqtardyŋ balanyŋ psihikasyna jaǧymsyz äser etu kriteriilerın aiqyndau standartynyŋ bolmauyna, ǧylymi zertteuler jürgızu qajettılıgıne bailanysty qūjat qoldau tappady», — dedı EEK Keŋesınde QR Densaulyq saqtau vise-ministrı Aijan Esmaǧambetova.Onyŋ aituynşa, bügınde naryq türlı oiynşyqtar bar. Sondyqtan oiynşyqtardyŋ balanyŋ psihikasyna kerı äser etu kriteriilerın aiqyndau standartyn äzırleu jäne Euraziialyq Odaq elderı deŋgeiınde tiıstı tärtıpte pysyqtau üşın qoldanystaǧy tehnikalyq reglamentterdı özgertu jönınde ūsynystar engızu ūsynylyp otyr.
Ūqsas jaŋalyqtar
