Bügın Mäjılıs otyrysynda deputat Ermūrat Bapi terıs aǧym ökılderıne bailanysty deputattyq saual joldady, - dep habarlaidy "Adyrna" ūlttyq portaly.
Jiynnan keiın jurnalister deputattan “Sız deputattyq saualda "uahabizmnıŋ şoǧyn eskı Qazaqstan ürleude" dep aittyŋyz. Būl sözdı qandai negızge süienıp aittyŋyz?” dep sūrady.
“Oǧan däleldıŋ alystan ızdep qandai qajetı bar? Keşegı Qazaqstanda paida bolǧan, qazır damyp, örkendep dıni emes, saiasi küşke ainalǧan uahabizm, salafizm ideiasynyŋ negızgı qoldauşylary, dem berıp qarjylandyruşylary Qairat Satybaldy boldy. Mūny jūrt aityp jatyr ǧoi. Būdan artyq qandai dälel kerek? Al Qairat Satybaldy özınıŋ aǧasynyŋ, iaǧni “Eskı Qazaqstannyŋ” qoldauynsyz eşqandai batyl şaraǧa barmaidy. Sondyqtan da qoǧamda osyndai pıkır bar. Jalpy, Qazaqtandaǧy terıs dıni aǧymdar şamamen 2002-2004 jyldary Nūrsūltan Nazarbaevtyŋ işarasy, ymdauymen kelgen. Sebebı uahabizmde “Patşaǧa qarsy şyqpau kerek” degen söz bar ǧoi. Osynyŋ özı jeke dara bilıktı qoldaudyŋ qūraly retınde paidalanyldy. Sondyqtan da qazır Qazaqstandy dıni negızde bölşekteu bastalyp kettı. Myna jaqtan salafizm, uahabizm şyqty jäne ekınşı jaqtan qūranitter qazaq halqyn ūlttyŋ deŋgeide bırıktırmeuge küş saldy. Dıni negızde bölşektep jıberıp jeke dara bilık jürgızudıŋ ideologiiasyn jasady”, - dedı ol.
Ūqsas jaŋalyqtar
