Qazaqstandyq jýrnalıst Danııar Moldabekov osydan eki jyl buryn elde bolǵan qańtardaǵy tártipsizdikter týraly jazǵan kitabyn shyǵara almaı qaldy, dep habarlaıdy “Adyrna” ulttyq portaly.
Bul týraly ol óziniń Telegram-kanalynda habarlady.
«Qantar týraly kitabymdy shyǵarýdy qolǵa alǵan baspa barlyq baspahanalardyń ony basyp shyǵarýdan bas tartqanyn habarlady. Aldyn ala tapsyrys bergenderdiń jaqyn arada aqshasyn qaıtarylady. Kitapty mindetti túrde shyǵaramyn, biraq endi qashan, qaıda jáne qalaı bolatynyn oılaný kerek», - delingen habarlamada.
Moldabekovtyń aıtýynsha, eki jyl buryn terezeden atylǵan oqtyń daýsy estilip, alańdaǵy jerlesterimizdiń múrdesi jatqanda “Qańtar jyly” kitabyn jaza bastaǵan. Kúni keshege deıin qoljazba baspahanada bolǵan, alaıda, jýrnalıst aıtqandaı, kitap basylyp shyqpas buryn onyń mazmunymen tanysqysy kelgen quqyq qorǵaý organdarynyń ókilderi kelgen.
“Olar menen oqýǵa ruqsat berýimdi suraıdy. Men olarǵa bermeńder dedim”, - dedi ol.
Moldabekov «Respýblıkaǵa» bergen túsiniktemesinde onyń kitabyna buryn da qaýipsizdik kúshteri qyzyǵýshylyq tanytqanyn aıtty.
«Ulttyq qaýipsizdik komıtetinen degen adamdar baspaǵa habarlasyp, menimen baılanysýdy suraǵan. Bul kitap týraly áleýmettik jelide jazyp, muqabasyn kórsetken kúnim edi. Sondaı-aq kitapty tanystyrý úshin basqa jer izdeýge týra keldi, óıtkeni burynǵy tanystyrylym ótýi tıis oryn bas tartty», - deıdi jýrnalıst.
2022 jyldyń qańtar aıynyń basynda Qazaqstanda gaz baǵasynyń eki ese ósýine qarsy narazylyq sherýleri bastalyp, ol jappaı tártipsizdikterge ulasqan bolatyn. Osydan keıin prezıdent Qasym-Jomart Toqaev tóńkeris jasaý áreketin jarııalap, UQShU-dan kómek surady. 7 qańtarda jaǵdaı turaqtandy, 19 qańtarda búkil elde tótenshe jaǵdaı joıyldy. Tártipsizdik saldarynan qaza tapqandardyń resmı tiziminde 238 adamnyń aty-jóni bar. Osy taqyryp boıynsha barlyq materıaldar osynda jınaqtalǵan.
“Adyrna” ulttyq portaly
