Prezidenttıŋ kömekşısı Saraişyq qalaşyǧyndaǧy arheologiialyq jūmystarmen tanysty, dep habarlaidy "Adyrna" tılşısı.
Qazaqstan prezidentınıŋ kömekşısı Ruslan Jeldıbai Qazaq handyǧy zamanynda asa maŋyzdy bolǧan qalalardyŋ bırı Saraişyqqa sapar şekken. Būl turaly özınıŋ Facebook paraqşasynda jazdy.
Joşy ūlysynda astana märtebesın alyp, Qazaq handyǧynyŋ alǧaşqy handarynyŋ ordasy bolǧan Saraişyqqa arnaiy baryp, tarihi orynda jürgızılıp jatqan arheologiialyq jūmystarmen tanystym. Biyl Ūlttyq qūryltaidy ūiymdastyru aiasynda aimaqta auqymdy şaralar atqarylady, - dedı Ruslan Jeldıbai.Prezident kömekşısı öz jazbasynda tarihi jadty jaŋǧyrtuǧa da toqtalyp öttı.
Elımızde 2019 jyldan berı tarihi jadymyzdy jaŋǧyrtu baǧytynda ülken şaralar jürgızılıp jatqanyn bılesızder. Prezidenttıŋ bastamasymen osydan üş jyl būryn Altyn Ordanyŋ 750-jyldyǧy toilandy. Biyl Joşy ūlysynyŋ 800-jyldyǧyn atap ötemız. Mūnyŋ bärı - Ūlyq ūlystyŋ tarihi mūragerı retınde memlekettıgımızdıŋ tarihyn tügendep, tūǧyryn odan ärı bekemdeu üşın asa maŋyzdy jūmystar, - dep jazdy ol.
Ūqsas jaŋalyqtar
