Ruslan Jeldıbai Qazaqstan Respublikasy Prezidentınıŋ ştattan tys keŋesşısı bolyp taǧaiyndaldy, dep habarlaidy "Adyrna" ūlttyq portaly.
Būǧan deiın ol memleket basşysynyŋ kömekşısı ärı baspasöz hatşysy qyzmetın atqarǧan.
2026 jyldyŋ qaŋtarynda Qasym-Jomart Toqaev prezidenttıŋ baspasöz hatşysy qyzmetınen Ruslan Jeldıbaidy bosatyp, onyŋ ornyna Aibek Smadiiarovty taǧaiyndaǧan edı.
Aita keteiık, Ruslan Jeldıbai Jambyl oblysynda tuǧan. Eŋbek jolyn «Qazaqstan» teleradiokorporasiiasy arnasynda bastaǧan. Keiın «Almaty» telearnasynda jūmys ıstegen. Odan keiın memlekettık aqparattyq saiasat salasynda jäne Prezident Äkımşılıgınde türlı lauazymdardy atqardy.
2022 jyldan berı bırneşe ret prezidenttıŋ baspasöz hatşysy qyzmetıne taǧaiyndalyp, sondai-aq prezident kömekşısı jäne keŋesşı mındetterın atqarǧan.
Sonymen qatar, 2025 jyldan bastap Halyqaralyq dziudo federasiiasy komissiiasynyŋ direktory retınde tırkelgen. Al 2026 jyly Konstitusiialyq reforma jönındegı komissiia qūramyna engen.
