Aqtöbe oblysynda 10 käsıpker deldaldyq jelıler tızımınen şyǧaryldy, dep habarlaidy “Adyrna” ūlttyq portaly “Moi gorod” saityna sılteme jasap.
“Käsıpkerlık basqarmasy baǧany negızsız köterıp jürgen deldaldardy anyqtau üşın komissiia qūrdy. Monitoring nätijelerı boiynşa bırqatar zaŋ būzuşylyqtar anyqtaldy. Sauda baǧasyn asyryp, tauaryn baǧasyn körsetpei satqan üş käsıpkerge aiyppūl salynsa, qalǧandaryna eskertu jasaldy. Sondai-aq, 10 käsıpker önımsız deldal tızbegınen şyǧaryldy», - deidı oblystyq auyl şaruaşylyǧy jäne jer qatynastary basqarmasynyŋ basşysy Qūsaiyn Särsembai. Oblys äkımdıgınıŋ habarlauynşa, äleumettık maŋyzy bar azyq-tülık tauarlarynyŋ baǧasyn tūraqtandyruǧa 2018-2023 jyldar aralyǧynda 4,5 mlrd teŋge bölındı. Tūraqtandyru qory qūryldy, onyŋ operatory «Aqtöbe ÄKK» AQ. “Tūraqtandyru qorynda 31 tonna qaraqūmyq, 300 tonna qant, 560,3 tonna bırınşı sūrypty ūn jäne 68 tonna kürış önımderı bar. Ötken jyldyŋ säuır aiynan berı äleumettık nan baǧasynyŋ qymbattauyna jol bermeu maqsatynda oblystaǧy ırı naubaihanalarǧa 4604 tonna bırınşı sūrypty ūn bölıngen. Qazır 550 grammdyq bölke nan 86 teŋgeden satyluda. Jalpy, äleumettık önımderdıŋ baǧasyn tūraqtandyru maqsatynda sauda jelılerı men dükendermen 500-den astam memorandumǧa qol qoiyldy. Nätijesınde "Anvar" jäne "Sapa Market" jelılerımen azyq – tülık önımderıne baǧalyq üstemeaqyny 5 paiyzǧa, audandardaǧy dükenderde 10 paiyzdan asyrmauǧa uaǧdalasty", - dedı Qūsaiyn Särsembai.“Adyrna” ūlttyq portaly
Ūqsas jaŋalyqtar
