8 mamyr Astana – Frankfurt baǧyty boiynşa ūşqan Air Astana reisı Aqtöbe qalasyna mäjbürlı qonu jasady. Būl turaly Aviakompaniianyŋ baspasöz qyzmetı mälımdedı, dep habarlaidy "Adyrna".
Mälımet boiynşa, KC921 reisı Astanadan saǧat 08:54-te ūşyp şyqqan jäne tehnikalyq sebepke bailanysty Aqtöbe äuejaiyna 11:34-te qonǧan.
"Ekipaj ūşu qauıpsızdıgıne qatysty standartty räsımderge säikes qonu turaly şeşım qabyldady. Qonu qalypty rejimde öttı", – delıngen habarlamada.
Air Astana kompaniiasy jolauşylardy ärı qarai tasymaldau üşın Almaty qalasynan rezervtık ūşaq jıbergen.
Reistıŋ Aqtöbeden qaita ūşuy 14:20-ǧa josparlanǧan.
"Aviakompaniia jolauşylarǧa keltırılgen qolaisyzdyqtar üşın keşırım sūraidy", – dep mälımdedı kompaniia ökılderı.
Ūqsas jaŋalyqtar
