Astanada 5 balabaqsha meńgerýshileri jáne olardyń kómekshileri balalardy tamaqtandyrýǵa arnalǵan aqsha qarajatyn jymqyrǵany úshin kináli dep tanyldy. Bul týraly Astana qalasy prokýratýrasy málimdedi, dep habarlaıdy “Adyrna” ulttyq portaly.
«Eks-balabaqsha basshylary mázirge sáıkes qajetti azyq-túlik kólemin kórsetip, ótinimder bergen. Alaıda, aldyn ala ónim berýshimen qylmystyq sóz baılasyp, olar tolyq jetkizilim týraly qujattarǵa jalǵan málimetter engizgen. Qylmystyq shemanyń bastamashysy jáne qylmystyq kelisimniń tikeleı uıymdastyrýshysy buryn sottalǵan olardyń sybaılasy (ónim berýshi) bolǵan», - dep habarlady Astana qalasy prokýratýrasy.
Prokýror sottalǵandardyń kinásin dáleldeıtin barlyq aıǵaqtardy usyndy. Sot úkim shyǵardy.
«Sot úkimimen balabaqsha meńgerýshilerine taǵaıyndalǵan barlyq merzimge probaııalyq baqylaý belgilene otyryp, 2 jyldan 3 jylǵa deıingi merzimge bas bostandyǵyn shekteý, májbúrli eńbekke tartý jáne memlekettik qyzmette qyzmet atqarýǵa ómir boıyna tyıym salý jazasy taǵaıyndaldy», - delingen úkimde.
Sonymen qatar, uqsas qylmystar úshin ótelmegen sottylyǵy bolǵan olardyń sybaılasy 4 jylǵa bas bostandyǵynan aıyryldy.
Jymqyrǵan 35 mln teńgeden astam qarajat bıýdjetke qaıtaryldy.
Úkim zańdy kúshine endi.
