Astanada 5 balabaqşa meŋgeruşılerı jäne olardyŋ kömekşılerı balalardy tamaqtandyruǧa arnalǧan aqşa qarajatyn jymqyrǧany üşın kınälı dep tanyldy. Būl turaly Astana qalasy prokuraturasy mälımdedı, dep habarlaidy “Adyrna” ūlttyq portaly.
«Eks-balabaqşa basşylary mäzırge säikes qajettı azyq-tülık kölemın körsetıp, ötınımder bergen. Alaida, aldyn ala önım beruşımen qylmystyq söz bailasyp, olar tolyq jetkızılım turaly qūjattarǧa jalǧan mälımetter engızgen. Qylmystyq shemanyŋ bastamaşysy jäne qylmystyq kelısımnıŋ tıkelei ūiymdastyruşysy būryn sottalǧan olardyŋ sybailasy (önım beruşı) bolǧan», - dep habarlady Astana qalasy prokuraturasy.
Prokuror sottalǧandardyŋ kınäsın däleldeitın barlyq aiǧaqtardy ūsyndy. Sot ükım şyǧardy.
«Sot ükımımen balabaqşa meŋgeruşılerıne taǧaiyndalǧan barlyq merzımge probasiialyq baqylau belgılene otyryp, 2 jyldan 3 jylǧa deiıngı merzımge bas bostandyǧyn şekteu, mäjbürlı eŋbekke tartu jäne memlekettık qyzmette qyzmet atqaruǧa ömır boiyna tyiym salu jazasy taǧaiyndaldy», - delıngen ükımde.
Sonymen qatar, ūqsas qylmystar üşın ötelmegen sottylyǧy bolǧan olardyŋ sybailasy 4 jylǧa bas bostandyǧynan aiyryldy.
Jymqyrǧan 35 mln teŋgeden astam qarajat biudjetke qaitaryldy.
Ükım zaŋdy küşıne endı.
Ūqsas jaŋalyqtar
