Endı oŋtüstıkten soltüstıkke köşken qazaqstandyqtar men qandastarǧa öz käsıbın jürgızuge kezeksız 20 gektar jer berıledı. Būl turaly Köşı-qon komitetı töraǧasynyŋ mındetın atqaruşy Iliias İspanov aitty, dep habarlaidy “Adyrna” ūlttyq portaly.
Iliias İspanlvtyŋ aituynşa, biyl oŋtüstıkten soltüstıkke 7 550 adam köşken. Onyŋ 1 200-ı – qandas, tek 76 adam oŋtüstıkke qaitqan.
“Soltüstıkten köşıp ketken 33 adamǧa sol jaqtyŋ klimaty, al 30 adamǧa soltüstıkten tapqan jūmysy ūnamaǧan. Endı biyl soltüstıkke köşıp barǧan azamattarǧa öz şaruaşylyǧyn jürgızuge kezeksız 20 gektarǧa deiın jer beru mäselesı zaŋ jobasynda tūr”, - dedı Iliias İspanov OKQ-da ötken brifingte.Sonymen qatar, ol būryn soltüstıkke köşıp barǧan qazaqstandyqtar men qandastarǧa 40 sotyq jäne 1 gektar jer berılıp kelgenın aita kettı.
“Endı şarua qojalyǧyn jürgızuge 20 gektar jer berıledı. Bırınşı 5 jylda jer jalǧa berıledı. Eger 5 jylda ol özı oilaǧan mejege jetıp, käsıbın damytsa, onda jer 49 jylǧa jalǧa berıledı”, - dedı basşy.Bügınde zaŋ jobasy deputattardyŋ qarauynda jatyr.
«Özgerıs küşıne engen joq. Bız ūsynysty engızdık. Qazır zaŋ jobasy deputattardyŋ qarauynda jatyr. Zaŋ jaŋa jyldan keiın küşıne enuı kerek. Köktemgı egıs jūmystary bastalǧanǧa deiın özgerıstı küşıne engızuge tyrysamyz», - dedı Köşı-qon komitetı töraǧasynyŋ mındetın atqaruşy.
Ūqsas jaŋalyqtar
