Jerdıŋ şeteldıkterge berılmeitını jönınde naqty şeşım qabyldandy. Būl turaly QR Auyl şaruaşylyǧy ministrlıgınıŋ jer reformasy jönındegı komissiia otyrysynda QR Premer-Ministrınıŋ orynbasary Eraly Toǧjanov aitty, dep jazdy QazAqparat.
«25 aqpanda Ūlttyq qoǧamdyq senım keŋesınıŋ besınşı otyrysynda QR Prezidentı Qasym-Jomart Toqaevtyŋ auyl şaruaşylyǧy jerlerın şeteldıkterge jäne şeteldık kompaniialarǧa, şeteldık ülesı bar qazaqstandyq kompaniialarǧa, azamattyǧy joq adamdarǧa, halyqaralyq qatysy bar ǧylymi ortalyqtarǧa, sondai-aq qandastarǧa beruge tolyq tyiym salu turaly saiasi şeşımı arnaiy zaŋ jobasy retınde Parlamenttıŋ qarauyna 12 nauryzda engızıldı. Zaŋ jobasynyŋ bırınşı oqylymy Mäjılıste 7 säuırde ötedı», - deidı QR Premer-Ministrınıŋ orynbasary Eraly Toǧjanov.
Onyŋ aituynşa, köpşılık arasynda, äsırese äleumettık jelılerde älı de jekelegen tüsınıspeuşılıkter taralyp jür. «Jalǧan qauesettı ädeiı taratuşylar da joq emes ekenın aituymyz kerek. Sondyqtan taǧy bır naqtylap aitamyn: jerdıŋ şeteldıkterge berılmeitını jönınde naqty şeşım qabyldandy.
Memleket basşysy Qasym-Jomart Kemelūly qoǧam tarapynan köterılıp otyrǧan negızgı mäseleler boiynşa tüiındı şeşımın aityp, nüktesın qoidy. Qazırgı taŋda komissiia aldynda auyl şaruaşylyǧy salasyndaǧy jer qatynastaryn damytu mäselesı boiynşa ūsynymdar äzırleu mındetı tūr. Endı osy mäselelerdı jan-jaqty aqyldasqanymyz dūrys», - dedı ol.
"Adyrna" ūlttyq portaly ©QazAqparat
Ūqsas jaŋalyqtar
