Áıelin soqqyǵa jyqqan Rahat Turlyhanovqa qatysty apellıaııalyq sot úkimi shyqty, dep habarlaıdy “Adyrna” ulttyq portaly.
Sot barysynda Turlyhanov sýdıadan BAQ ókilderin sot zalynan shyǵaryp jiberýdi ótingen.
«Qurmetti sot, men sot otyrysyna jýrnalısterdiń qatysýyna qarsymyn. Eger múmkindik bolsa, olardy shyǵaryp jiberýińizdi suraımyn», - dedi Rahat Turlyhanov.
Sýdıa aıyptalýshynyń ótinishin maquldap, sotty jabyq rejımde ótkizý týraly sheshim qabyldady.
Eske sala keteıik, ótken jyldyń jeltoqsan aıynda Rahat Turlyhanov áıelin birneshe ret soqqyǵa jyqqany úshin aıyptalyp, sot ákimshilik eskertý jasaǵan bolatyn.
Degenmen 10 qańtarda sotqa isti qaıta qaraý jóninde apellıaııalyq shaǵym túsken.
Osyǵan sáıkes, Almaty qalalyq sot úkimi boıynsha, aıyptalýshy Rahat Turlyhanov 10 táýlikke ákimshilik qamaqqa alý túrindegi jazaǵa tartylady. Qaýly kúshine endi.
"Osy materıaldy qaraý barysynda, sot alqasy taǵaıyndalǵan jaza boıynsha, buryn jubaıyna birneshe ret qol kóterý deregi bolýyna baılanysty birinshi satydaǵy sot sheshimimen kelispedi. Almaty soty alqasynyń sheshimi boıynsha, Almaty Ákimshilik quqyq buzýshylyq isteri jónindegi mamandandyrylǵan aýdanaralyq soty sheshimi ózgertildi", - delingen sot habarlamasynda.
”Adyrna” ulttyq portaly
