Mańǵystaýda aqqýlar qus tumaýynan qyrylyp jatyr

2091
Adyrna.kz Telegram

Mańǵystaý oblysy, Aqtaý qalasynan 20 shaqyrym jerdegi Qarakól aıdynyna qonǵan aqqýlar jappaı qyrylyp jatyr. Qazaq úshin kıeli qusty zertteý barysynda olardan qus tumaýynyń belgileri anyqtaldy. Óńirge shuǵyl túrde vakına joldandy, dep habarlaıdy "Adyrna" ulttyq portaly habarlady. 

Aqqýlarǵa synamalardy "Veterınarııa jónindegi ulttyq referenttik ortalyq" RMK júrgizdi.

QR AShM Veterınarııalyq baqylaý jáne qadaǵalaý komıteti respýblıkalyq qordan Mańǵystaýdaǵy barlyq úı  qustaryn vakınaııalaý úshin 18 644 doza vakına bólingenin habarlady. Sondaı-aq óńirde respýblıkalyq epızootııaǵa qarsy otrıadtyń mamandary jumys atqaryp jatyr.

"Jergilikti atqarýshy organdar joǵary patogendi qus tumaýy boıynsha turaqty epızootııalyq jaǵdaıdy saqtaý maqsatynda sharýashylyq júrgizýshi sýbektiler, veterınarııalyq dárigerler, ańshylar, qoryqshylar, turǵyndar jáne basqa da múddeli tulǵalardyń  (qustary bar) arasynda túsindirý jumystaryn júrgizedi", - dedi QR AShM Veterınarııalyq baqylaý jáne qadaǵalaý komıteti.

Qus fabrıkalary bolsa, jabaıy jáne sınantropty qustardyń jem-sý qoımalary men qustardy ustaıtyn ǵımarattarǵa jaqyndaýyna jol bermeý úshin veterınarııalyq is-sharalardy kúsheıtedi.

Sondaı-aq, mamandar qazir úı qustarynyń tumaýǵa shaldyqpaǵanyn, qus tumaýy boıynsha epızootııalyq jaǵdaı turaqty ekenin málimdedi.

"Adyrna" ulttyq portaly

 

Pikirler