Қарағанды облысында жұмысшы пойыздың астына түсіп, қаза тапты. Қайғылы оқиға 15 қаңтар күні "Шұбаркөл көмір" АҚ ішкі теміржол желісінде болған, деп хабарлайды “Адырна” ұлттық порталы.
Бағыттау бекетінің кезекшісі беймәлім жағдайда пойыз астына құлап, қаза тапқан.
Компанияның мәліметінше, жұмыс кезінде бағыттау бекетінің кезекшісі бос вагондардың астына түсіп кеткен.
"Болған оқиғаның себептерін анықтау үшін арнайы комиссия құрылды. Тергеу басталды. компания ұжымы мен басшылығы марқұмның туыстарына көңіл айтады және қажетті көмек көрсетеді", — делінген компания хабарламасында.
Айта кетейік, “Шұбаркөл көмір" - Қазақстандағы ірі энергетикалық көмір өндірушілерінің бірі. Қарағанды облысында орналасқан.
