Ujymdyq qaýipsizdik shart uıymynyń bas hatshysy UQShU-nyń 2024 jylǵa arnalǵan basymdyqtaryn aıtty, dep habarlaıdy «Adyrna» tilshisi.
«Imanǵalı Tasmaǵambetov Qazaqstannyń 2024 jyly uıymǵa tóraǵalyq etý kezeńindegi basymdyqtaryna toqtaldy. Aıtýynsha, UQShU Ujymdyq qaýipsizdik keńesiniń 2023 jylǵy qarashadaǵy sessııasynyń sheshimderin iske asyrý Qazaqstannyń áskerı quramdas bóligin jetildirý boıynsha jańa kópqyrly mindetterdi kózdeıdi»,—delingen baspasóz habarlamasynda.
UQShU Birikken shtabynyń bastyǵy, general-polkovnık Andreı Serdıýkov jyl qorytyndysy boıynsha ótken jıynda 2023 jylǵy mańyzdy baǵyttardyń biri daǵdarysqa qarsy áreket etý júıesin jetildirý ekenin málimdedi. General-polkovnıktiń sózine súıensek, ol 2024 jyly da óz jalǵasyn tappaq. Budan bólek Serdıýkov bıylǵa arnalǵan basym mindetterdiń qatarynda UQShU-nyń áskerı quramdas bóligin damytýdy retteıtin normatıvtik quqyqtyq bazany jetildirý, uıym hatshylyǵymen jáne qorǵanys vedomstvolarymen birlesip jumysty jalǵastyrý, joǵary sapaly daıyndyqty uıymdastyrý bar ekenin atap ótti.
Aıta keteıik, buǵan deıin Qazaqstannyń UQShU-ǵa tóraǵalyǵy bastalǵanyn jazǵan edik.
