Özbekstan 9 mamyr, iaǧni eske alu men qūrmet künıne orai, Ekınşı düniejüzılık soǧys ardagerlerıne 10 myŋ dollar bermek. Būl turaly Özbekstan Prezidentı Şavkat Mirziioevtıŋ jarlyǧy prezidenttıŋ resmi saitynda jariialandy, dep habarlaidy “Adyrna” ūlttyq portply.
Jauapty ministrlıkter men vedomstvolarǧa Ekınşı düniejüzılık soǧysqa qatysuşylarmen teŋestırılgen azamattarǧa 25 million sum (şamamen 1930 dollar) beru tapsyrylǧan.
Sonymen qatar, soǧys jyldarynda maidanda eŋbek etken jūmysşylarǧa 9 mamyrǧa deiın 3 million sum (şamamen 230 dollar) berıledı.
Jarlyq boiynşa, ardagerlerdı yntalandyruǧa bailanysty barlyq şyǧyndar respublikalyq biudjet esebınen öteledı.
Mirzieev «Ekınşı düniejüzılık soǧys Jeŋısınıŋ 80 jyldyǧyn jäne eske alu pen qūrmet künıne arnalǧan şaralardy ūiymdastyru turaly» qaulyǧa qol qoidy. Qūjatta Özbekstanda būl künnıŋ keŋınen atap ötıletını, soǧys pen eŋbek ardagerlerıne, sondai-aq täuelsızdık jyldarynda qyzmettık boryşyn oryndau kezınde qaza tapqan äskeri qyzmetkerler men qūqyq qorǧauşylarǧa erekşe qūrmet körsetıletını aitylǧan.
Özbekstannan Ekınşı düniejüzılık soǧysqa şamamen 2 million adam attanǧan, olardyŋ 538 myŋnan astamy qaza tapqan, taǧy 158 myŋnan astamy habarsyz ketken. Respublika tarihynda 200-ge juyq äskeri qyzmetker men qūqyq qorǧauşy Otanynyŋ qorǧany üşın öz ömırlerın qiǧan.
«Bız ärqaşan jüregımızde äkelerımız ben atalarymyzdyŋ şeksız batyldyǧyn, tözımdılıgın jäne janqiiarlyǧyn, sondai-aq beibıtşılık pen täuelsızdık üşın öz ömırlerın qiǧan er jürek ūldardy saqtaityn bolamyz», — delıngen qaulyda.
9 mamyrda bükıl el boiynşa merekelık ıs-şaralar men ardagerlerdı qūrmetteu ūiymdastyrylady.
Ükımetke 1941-1945 jyldardaǧy soǧys qatysuşylaryna basqa qoldau şaralaryn körsetu tapsyryldy. Olardyŋ ışınde jalǧyz basty jäne az qamtylǧan ardagerlerdıŋ tūratyn jerlerın jöndeu jäne abattandyru jūmystaryn jürgızu, tūraqty türde medisinalyq kömek körsetu qyzmetın ūiymdastyru, bır qoldauşysy bar sanatoriilerge tegın joldamalar beru de bar.
Qūjatqa säikes, Ekınşı düniejüzılık soǧystyŋ qatysuşylary men eŋbek maidany ardagerlerıne Jeŋıstıŋ 80 jyldyǧyna arnalǧan mereitoilyq medaldar tapsyrylady.
Prezident Qorǧanys ministrlıgıne Taşkent qalasy äkımdıgımen bırlesıp, 9 mamyrda merekelık sälemdesu men otşaşu ūiymdastyrudy tapsyrdy.
Ötken jyly Özbekstanda Ekınşı düniejüzılık soǧys qatysuşysyna 18 million sum (şamamen 1,6 myŋ dollar) tölengen. 2023 jylǧy mälımetter boiynşa respublikada 174 ardager tūrǧan, 2024 jyldyŋ mamyryna qarai olardyŋ sany 112 adamǧa deiın qysqarǧan.
Al Qazaqstanda byltyr respublika boiynşa bırjolǧy äleumettık kömektıŋ ortaşa mölşerı 1,5 mln teŋgenı qūrady. Būl rette köptegen öŋırde ortaşa mölşerden joǧary soma tölendı. Atap aitqanda, Aqmola oblysynda – 3 mln teŋge, Aqtöbe oblysynda – 2 mln teŋgeden astam. Abai, Almaty, Qaraǧandy, Pavlodar oblystary men Astana jäne Almaty qalalarynda II düniejüzılık soǧys qatysuşylary 2 mln teŋgeden aldy.
2024 dyly el aumaǧynda 148 soǧys ardagerı boldy. Ekınşı düniejüzılık soǧys qatysuşylaryna äleumettık qoldaudan bölek, ai saiyn 16 AEK (2024 jyly 59 072 teŋge) mölşerınde arnauly memlekettık järdemaqy tölenedı.
