Būrynǧy bas prokuror jäne Memlekettık qyzmet ıster agenttıgınıŋ eks-töraǧasy Qairat Qojamjarovtyŋ Resei azamattyǧyn alǧany habarlandy. Būl turaly jurnalist Samal İbraevanyŋ Facebook paraqşasynda jazdy, dep habarlaidy «Adyrna».
Ybyraiovanyŋ sözınşe, Qojamjarovtyŋ Resei azamattyǧyn aluy qoǧamda bırqatar sūraq tuǧyzǧan. Jurnalist būrynǧy joǧary lauazymdy şeneunıktıŋ qyzmettık mansabynda köptegen dauly ıstermen bailanysty bolǧanyn eske saldy.
«Ol kezınde sot jüiesınıŋ eŋ joǧary deŋgeiınde qyzmet atqaryp, köptegen adamdardyŋ taǧdyryna äser ettı. Endı sol adam öz elın oŋai tastap, basqa eldıŋ azamattyǧyn alyp otyr», – dep jazdy Samal İbraeva.
Sonymen qatar, ol Qojamjarovqa qatysty tergeu qajet boluy mümkın keibır ısterdıŋ Qazaqstanda bar ekenın atap öttı. Alaida, jurnalistıŋ aituynşa, eks-şeneunık özge eldıŋ azamattyǧyn alǧan soŋ, oǧan qatysty qūqyqtyq baǧalau beru prosesı qiyndauy mümkın.
Samal būǧan deiın Talǧat Ermegiiaevtıŋ būrynǧy orynbasary Mūrat Omarovtyŋ sūhbatyn eske alyp, onda Qojamjarovtyŋ esımı atalǧanyn da atap ötken.
«Mūrat Omarov sūhbatynda aty-jönderdı atap, naqty shemalardy tüsındırdı. Alaida būl materialǧa qūqyq qorǧau organdarynan naqty reaksiia bolǧan joq», – deidı jurnalist.
Aita keteiık, Qairat Qojamjarov Qazaqstannyŋ Bas prokurory qyzmetın 2017–2019 jyldary atqarǧan. Būǧan deiın ol Sybailas jemqorlyqqa qarsy ıs-qimyl agenttıgın jäne Memlekettık qyzmet ısterı agenttıgın basqarǧan.
Qazırgı taŋda Qojamjarovtyŋ Resei azamattyǧyn alu faktısı turaly resmi derek közderınen rastau nemese tüsınıkteme berılgen joq.
