8 qańtar kúni Germanııada Nemis sharýalar odaǵy (DBV) uıymdastyrǵan narazylyq aptalyǵy bastalady. Fermerler úkimettiń aýyl sharýashylyǵyna beriletin sýbsıdııalardy qysqartýǵa josparlaǵanyna narazylyq bildirýde, dep habarlaıdy “Adyrna” ulttyq portaly.
Jalpy Germanııa boıynsha fermerlerdiń 100-den astam narazylyq akııasy josparlanǵan.
Kóptegen aımaqta kólik qozǵalysy problemalary kútilýde. Óıtkeni fermerler demonstraııalar aıasynda traktorlarmen joldardy jabýdy josparlap otyr. DBV basshysy Ioahım Rýkvıd Germanııa turǵyndaryn yqtımal qolaısyzdyqqa baılanysty túsinistikpen qaraýǵa shaqyrdy.
"Biz narazylyq akııasyn beıbit jáne demokratııalyq jolmen uıymdastyrǵymyz keledi. Biraq biz traktorlarmen qozǵalǵanda, bul sózsiz jol qozǵalysynyń buzylýyna ákeledi", - dedi Rýkvıd Stern jýrnalyna bergen suhbatynda.
Nemis fermerleri jeltoqsan aıynan beri jappaı narazylyq akııalaryn uıymdastyryp jatyr. 2024 jyly bıýdjetti únemdeý aıasynda fermerler dızeldik otynǵa jeńildikter men salyq jeńildikterinen aıyrylady. Germanııa Qarjy mınıstrliginiń baǵalaýy boıynsha, bul shara bıýdjetten jyl saıyn 480 mıllıon eýro únemdeýge múmkindik beredi.
Keıin Germanııa Mınıstrler kabıneti óz josparlaryn túzetýge sheshim qabyldady. Degenmen, nemis sharýalar odaǵy aýylsharýashylyq salasy úshin josparlanǵan salyqty kóterýdi qabyldamaıtyndaryn basa aıtyp, narazylyqtaryn tastamady.
"Bul josparlardy kún tártibinen alyp tastaý kerek. Biz óz oıymyzdy ózgertpeımiz", - dedi Rýkvıd
Birneshe kún buryn fermerler paromda vıe-kanler Robert Habekke tosqaýyl qoıǵan. Saıasatker demalystan qaıtyp kele jatqanda, ony pırstanǵa ashýly narazylyq bildirýshiler kútip aldy. Habek óz ókilderimen sóılesýdi usyndy, biraq fermerler onyń usynysyn qabyldamady. Polıeıler paromdy ashý úshin kózden jas aǵyzatyn gaz qoldanǵan.
Germanııa úkimeti bul oqıǵany qatań aıyptady. Óz kezeginde Germanııanyń Ishki ister mınıstrligi ońshyl ekstremıstik kúshterdiń fermerlerdiń narazylyǵyn óz maqsattary úshin paıdalaný áreketterinen saqtandy.
