Elimizde alaıaqtyqtyń jańa túri paıda boldy, dep habarlaıdy "Adyrna" tilshisi.
Alaıaqtyqtyń jańa ádisi WhatsApp áleýmettik jelisi, habarlama arqyly júzege asady.
Bul týraly alǵashqylardyń biri bolyp depýtat Dáýlet Muqaev jazdy.
"Olar qazaqsha saıraı bastady! Saq bolyńyzdar! Alaıaqtyqtyń jańa túri osyndaı hattar sms túrinde de, ýatsapqa da kelip jatyr. Búgin maǵan 3 hat keldi. Siltemeni bassańyzdar, sizderdiń jeke derekterińizdi alyp, atyńyzǵa nesıe rásimdep jiberedi. Qysqasy, ózgelerge, ásirese balalaryńyzǵa aıtyńyzdar. Qazposhta qyzmeti bolsa arnaıy 1499 nómirinen ǵana sms keledi! Ári poshta qyzmeti sizge ýatsapqa jazbaıdy", - dep jazdy Dáýlet Muqaev Instagram paraqshasynda.
