Júrgizýshisiz avtobýs qaǵyp ketken taǵy bir adam Shymkent aýrýhanasynda qaıtys boldy, dep habarlaıdy “Adyrna” ulttyq portaly.
Shymkentte júrgizýshi qaldyryp ketken avtobýs qurbandarynyń sany beske jetti. Qazir 18 jastaǵy boıjetken dárigerlerdiń baqylaýynda.
Aıta keteıik, oqıǵa 8 sáýir keshki saǵat 18:30 shamasynda «Metro» saýda úıiniń janyndaǵy eki kósheniń qıylysynda bolǵan. Júrgizýshi qaldyryp ketken avtobýs qarsy baǵytqa shyǵyp ketip, jaıaý júrginshi jolaǵynda kele jatqan 6 adamdy qaqqan.
Saldarynan eki áıel men jasóspirim oqıǵa ornynda, kámeletke tolmaǵan qyz jansaqtaý bóliminde kóz jumdy. Al 18 jastaǵy taǵy bir qyz qalalyq klınıkalyq aýrýhanaǵa jetkizilgenimen, dárigerler ony aman alyp qala almady.
