"NeMolchi.kz" qorynyŋ basşysy Dinara Smaiylova, iaǧni Dina Taŋsärı esımımen belgılı belsendı alaiaqtyq boiynşa qozǧalǧan ısterge qatysty tüsınıkteme berdı, dep habarlaidy “Adyrna” ūlttyq portaly.
Aita keteiık, belsendınıŋ üstınen alty qylmystyq ıs qozǧalyp, onyŋ ekeuı "Alaiaqtyq" baby boiynşa tergelude.
Tergeuşıler onyŋ qazaqstandyqtar zorlyq-zombylyq qūrbandaryna kömekke audarǧan qordyŋ aqşasyn jeke qajettılıkterıne jūmsaǧanyna sendıredı.
Osy jaittardan keiın Dinara Smaiylova özınıŋ Facebook-paraqşasynda advokattardan kömek sūrady. Aituynşa, onyŋ jūbaiy ekeuınıŋ şottary būǧattalǧan, sondyqtan olar aqyly zaŋ kömegıne jügıne almai otyr.
Jelı qoldanuşylary Dinara Smaiylovadan ne sebeptı tergeude audarymdar men şottardy, barlyq esepterdı bermei jatqanyn sūrady. Bıraq belsendı tergeuşıler tek keibır posttardy ǧana ıske qosqanyn aitady.
“Barlyq esepşottar men audarymdar bar, bıraq olar menı tıptı sūramady, ıstıŋ bastalǧanyn habardar etpedı, menıŋ dälelderımdı tyŋdamady, esepterımdı zerttemedı. Olar tek esepter joq taŋdauly posttardy ıske qosqan", — dedı ol.
Būǧan deiın “Ne molchi” qorynyŋ basşysy Dina Taŋsärıge ızdeu jariialanǧanyn habarlaǧan edık.
