Qyzylordada 15 jastaǧy ūlynan aiyrylǧan äke sot otyrysyna qatysty şaǧymyn aitty, dep habarlaidy "Adyrna" ūlttyq portaly.
Stan.kz mälımetınşe, 43 jastaǧy Medeu Arystanbek esımdı azamat ūly Abdul-Aziz özınen 9 jas ülken jıgıtterdıŋ älımjettıgınen köz jūmǧan aitqan bolatyn. Üş bala tärbielep otyrǧan jalǧyzbasty äke qazır sot prosesı mülde aqylǧa syimaityn formatta ötıp jatqanyna şaǧymdanuda.
Onyŋ sözınşe, bırınşı sot otyrysyn eş habarlamastan jäbırlenuşı taraptyŋ qatysuynsyz ötkızıp jıbergen. Al üşınşı sot otyrysy uaqytynda bastalmaǧan. Sebebı sol kezde prokuror men aiyptaluşynyŋ advokaty bır kabinette aqyldasyp otyrǧan.
“2021 jyly jūbaiym üş balamdy tastap ajyrasyp kettı. Ekı qyzym men jalǧyz ūlym osy edı. Özı sportşy boldy. 90 kelı salmaqta oblystyq qol küresınen 1-2-oryndy eşkımge bermei kele jatqan. 15 jasta älı süiegı qatpaǧan bala edı”, – dedı Medeu Arystanbek.Köz jūmǧan oquşy Abdul-Azizdyŋ ısı Jaŋaqorǧan audandyq sotynda qaralyp jatyr.
“Tergeu ısı tolyq aiaqtalmaǧan. Solai sotqa ötkızıp jıberıp otyr. Ony bızge de eskertpegen. Tergeudıŋ sotqa jetkenın keiın ǧana bıldım. Bırınşı sot otyrysy bolaiyn dep jatyr degen habarlama da, şaqyrtu da kelmedı. Jäbırlenuşıler tarapynan būl otyrysqa qatyspadyq ta. Aiyptalu aktısın zaŋ boiynşa tergeuşı maǧan aldyn ala beruı kerek eken. Al olar bolsa aktını maǧan 20 künnen keiın ekınşı sot otyrysy kezınde berıp tūr. Onda da sot üstınde berdı. Keşegı üşınşı sot otyrysy 15:30-da bastaluy kerek bolǧan. Alaida bastalmai kütıp qaldyq. Bolmaǧan soŋ saǧat törtterde menıŋ advokatym “būl ne degen bassyzdyq” dep sot zalynan şyqqan kezde özge kabinetten prokuror men aiyptaluşynyŋ advokaty bır jerde otyrǧanyn kördı. Sot keşıgıp, bastalmai jatty. Al olar bolsa bır bölmede nenı aqyldasyp otyrǧandary belgısız. Küdık köp, ädıletsız bolǧaly tūr, – dedı marqūmnyŋ äkesı.Medeu Arystanbek sol ıske qatysy bar üş ūldyŋ bıreuı ǧana kınänı moinyna alyp otyrǧanyn jetkızdı. Al qalǧan ekeuı küdıktı boludyŋ ornyna kuägerge ainalyp ketken eken. Jäbırlenuşı tarap basty küdıktı bolyp, qamauda 24 jastaǧy jıgıt otyrǧanyn habarlady. Al töbelestıŋ basty sebebı älımjettık eken. Medeu Arystanbek auylda ülken jıgıtterdıŋ kışkentailardan aqşa jinaitynyn da jasyrmady.
Ūqsas jaŋalyqtar
