Jambyl oblysyndaǵy áskerı bólimdegi sarbazdyń ólimine kúdikti retinde ustalǵan Aıbolat Amanjolovtyń týystary ashtyq jarııalady. Bul týraly «Aq Jaıyq» basylymy jarııalady, dep habarlaıdy “Adyrna” ulttyq portaly.
Aıbolat Amanjolovtyń ata-anasy alty balasyn ertip Atyraý oblystyq Qorǵanys isteri jónindegi departamenti aldyna jınaldy. Olardyń aıtýynsha, uldaryn eshkimge aıtpastan Qordaı aýdandyq polıııa bóliminen Almatydaǵy tergeý ızolıatoryna aýystyryp jibergen.
«Ulymdy eshkimge aıtpastan Almatydaǵy tergeý ızolıatoryna aýystyryp jibergen. Tipti qorǵaýshysy da bilmegen. Endi ulymyzdyń óli-tiri ekenin bilmeımiz. Qysym jasalyp jatqan bolar, ony da bilmeı otyrmyz. Zańdy ókilderimen kezdestermese, demek, bul iste bir gáp bar!» – deıdi sarbazdyń anasy Aınur Tólemisova kózine jas alyp.
Aınur Tólemisovanyń aıtýynsha, ulymen birge áskerge barǵandar ant qabyldap, qazir áskerı boryshtaryn óteýge kirisken. Sarbazdyń anasy Aıbolattyń qasyndaǵy sarbazdar onyń jazyqsyz ekenin aıtqanymen, endi kýágerlik sózderin ózgertýi múmkin dep qorqyp otyr.
«Olar ant qabyldaǵannan keıin basshylyq tarapynan qysym bolýy múmkin. Ulym tergeý ızolıatorynda otyr. Qasyna buryn qylmys istep, 10 jyl túrmege otyryp shyqqan adamdy otyrǵyzǵan. Ol ulyma qylmysty moınyna alýǵa keńes bergen. Demek, ol da áskerı tergeýshilerdiń adamdary», - deıdi ana.
Sarbazdyń ashtyq jarııalaǵan ata-anasy, zeınetke shyqqan ájesi men baýyrlary Aıbolatty Atyraýǵa alyp kelmeıinshe, departamenttiń aldynan ketpeıtinin aıtty.
«Qylmystyq is týraly jaq ashpaı otyr. Ulym áli áskerı adam emes. Demek, ony Atyraýdaǵy tergeý ızolıatoryna aýystyrýǵa bolady. Ony alyp kelse ǵana, ashtyqty toqtatamyz», - deıdi Aınur Tólemisova.
Atyraý oblystyq Qorǵanys isteri jónindegi departamenti bastyǵynyń orynbasary Erjan Jumanovtyń aıtýynsha, Aıbolat Amanjolov barlyq medıınalyq, psıhologııalyq synaqtardan sátti ótken.
«Bizden onyń jeke isin suratty. Qolymyzda bar qujatty jiberdik. Ol medıınalyq, psıhologııalyq synaqtardan jaqsy ótti. Polıııa esebinde turmaǵan. Qazir is tergelip jatyr», - dedi Erjan Jumanov.
Belsendi Lýnara Maksýtovanyń aıtýynsha, bul iste úsh kúdikti bar. Biraq Erjan Jumanov ol týraly bilmeıtinin aıtty, al sarbazdyń otbasy bul aqparatty rastap otyr. Ashtyq jalǵasyp jatyr.
Aıbolat Amanjolov – otbasyndaǵy jeti balanyń eń úlkeni. Eń kishi inisi 1,5 jasta. Aıbolat Atyraý bıznes jáne zań kolledjinde bilim ala júrip, daıashy, keıin meıramhanada kúzetshi bolyp jumys istegen. Týystary Aıbolat Mańǵystaý oblysy boıynsha áskerge shaqyrý jónindegi komıssııadan alǵash ret ótkende kóziniń nashar kórýine baılanysty áskerı qyzmetke jaramsyz dep tanylǵanyn aıtady. Alaıda artynsha 3 mıllıon teńge aıyppul salamyz dep qorqytyp, jumysynan alyp ketken. Áskerge ketken atyraýlyq jigit osylaısha Jambyl oblysynan bir-aq shyǵady.
Eske salaıyq, Aıbolat qaıtys bolǵan sarbazben birge 13 sáýirde áskerı qyzmetin bastaǵan. Alaıda olar áskerı ant qabyldap ta úlgermedi. Qaıǵyly oqıǵa 22 sáýir kúni tańerteń bolǵan. Qatardaǵy sarbaz Álibek Qalbaı ishki jasaq kezinde esinen tanyp qulap qalǵan. Alaıda Otar aýylyndaǵy Gvardııa áskerı qalashyǵynyń áskerı gospıtaline jetkizilgenimen, Á. Qalbaı esin jımastan qaıtys bolady. Keıin sot-medıınalyq sarapshylar onyń basynyń artqy jaǵynyń, oń jaq san aımaǵynyń, baýyry men oń búıreginiń isip ketkenin anyqtady.
Osy oqıǵaǵa qatysty Atyraýdan áskerge jańa shaqyrylǵan kúdikti Aıbolat Amanjolov ustaldy. Is QR Qylmystyq kodeksiniń 440-baby 4-bóligi boıynsha («Áskerı qyzmetshiler arasyndaǵy adam ólimine ákep soqqan jarǵylyq erejelerdi buzý») tergelip jatyr.
”Adyrna” ulttyq portaly
