Jambyl oblysyndaǧy äskeri bölımdegı sarbazdyŋ ölımıne küdıktı retınde ūstalǧan Aibolat Amanjolovtyŋ tuystary aştyq jariialady. Būl turaly «Aq Jaiyq» basylymy jariialady, dep habarlaidy “Adyrna” ūlttyq portaly.
Aibolat Amanjolovtyŋ ata-anasy alty balasyn ertıp Atyrau oblystyq Qorǧanys ısterı jönındegı departamentı aldyna jinaldy. Olardyŋ aituynşa, ūldaryn eşkımge aitpastan Qordai audandyq polisiia bölımınen Almatydaǧy tergeu izoliatoryna auystyryp jıbergen.
«Ūlymdy eşkımge aitpastan Almatydaǧy tergeu izoliatoryna auystyryp jıbergen. Tıptı qorǧauşysy da bılmegen. Endı ūlymyzdyŋ ölı-tırı ekenın bılmeimız. Qysym jasalyp jatqan bolar, ony da bılmei otyrmyz. Zaŋdy ökılderımen kezdestermese, demek, būl ıste bır gäp bar!» – deidı sarbazdyŋ anasy Ainūr Tölemısova közıne jas alyp.
Ainūr Tölemısovanyŋ aituynşa, ūlymen bırge äskerge barǧandar ant qabyldap, qazır äskeri boryştaryn öteuge kırısken. Sarbazdyŋ anasy Aibolattyŋ qasyndaǧy sarbazdar onyŋ jazyqsyz ekenın aitqanymen, endı kuägerlık sözderın özgertuı mümkın dep qorqyp otyr.
«Olar ant qabyldaǧannan keiın basşylyq tarapynan qysym boluy mümkın. Ūlym tergeu izoliatorynda otyr. Qasyna būryn qylmys ıstep, 10 jyl türmege otyryp şyqqan adamdy otyrǧyzǧan. Ol ūlyma qylmysty moinyna aluǧa keŋes bergen. Demek, ol da äskeri tergeuşılerdıŋ adamdary», - deidı ana.
Sarbazdyŋ aştyq jariialaǧan ata-anasy, zeinetke şyqqan äjesı men bauyrlary Aibolatty Atyrauǧa alyp kelmeiınşe, departamenttıŋ aldynan ketpeitının aitty.
«Qylmystyq ıs turaly jaq aşpai otyr. Ūlym älı äskeri adam emes. Demek, ony Atyraudaǧy tergeu izoliatoryna auystyruǧa bolady. Ony alyp kelse ǧana, aştyqty toqtatamyz», - deidı Ainūr Tölemısova.
Atyrau oblystyq Qorǧanys ısterı jönındegı departamentı bastyǧynyŋ orynbasary Erjan Jūmanovtyŋ aituynşa, Aibolat Amanjolov barlyq medisinalyq, psihologiialyq synaqtardan sättı ötken.
«Bızden onyŋ jeke ısın sūratty. Qolymyzda bar qūjatty jıberdık. Ol medisinalyq, psihologiialyq synaqtardan jaqsy öttı. Polisiia esebınde tūrmaǧan. Qazır ıs tergelıp jatyr», - dedı Erjan Jūmanov.
Belsendı Lunara Maksutovanyŋ aituynşa, būl ıste üş küdıktı bar. Bıraq Erjan Jūmanov ol turaly bılmeitının aitty, al sarbazdyŋ otbasy būl aqparatty rastap otyr. Aştyq jalǧasyp jatyr.
Aibolat Amanjolov – otbasyndaǧy jetı balanyŋ eŋ ülkenı. Eŋ kışı ınısı 1,5 jasta. Aibolat Atyrau biznes jäne zaŋ kolledjınde bılım ala jürıp, daiaşy, keiın meiramhanada küzetşı bolyp jūmys ıstegen. Tuystary Aibolat Maŋǧystau oblysy boiynşa äskerge şaqyru jönındegı komissiiadan alǧaş ret ötkende közınıŋ naşar köruıne bailanysty äskeri qyzmetke jaramsyz dep tanylǧanyn aitady. Alaida artynşa 3 million teŋge aiyppūl salamyz dep qorqytyp, jūmysynan alyp ketken. Äskerge ketken atyraulyq jıgıt osylaişa Jambyl oblysynan bır-aq şyǧady.
Eske salaiyq, Aibolat qaitys bolǧan sarbazben bırge 13 säuırde äskeri qyzmetın bastaǧan. Alaida olar äskeri ant qabyldap ta ülgermedı. Qaiǧyly oqiǧa 22 säuır künı taŋerteŋ bolǧan. Qatardaǧy sarbaz Älıbek Qalbai ışkı jasaq kezınde esınen tanyp qūlap qalǧan. Alaida Otar auylyndaǧy Gvardiia äskeri qalaşyǧynyŋ äskeri gospitalıne jetkızılgenımen, Ä. Qalbai esın jimastan qaitys bolady. Keiın sot-medisinalyq sarapşylar onyŋ basynyŋ artqy jaǧynyŋ, oŋ jaq san aimaǧynyŋ, bauyry men oŋ büiregınıŋ ısıp ketkenın anyqtady.
Osy oqiǧaǧa qatysty Atyraudan äskerge jaŋa şaqyrylǧan küdıktı Aibolat Amanjolov ūstaldy. Is QR Qylmystyq kodeksınıŋ 440-baby 4-bölıgı boiynşa («Äskeri qyzmetşıler arasyndaǧy adam ölımıne äkep soqqan jarǧylyq erejelerdı būzu») tergelıp jatyr.
”Adyrna” ūlttyq portaly
