Saıası qýǵyn-súrgin qurbandaryn tolyq aqtaý jónindegi memlekettik komıssııa óz jumysyn aıaqtady. 2020 jyldyń qarashasynan beri 2,6 mıllıonnan astam qujat pen materıaldy qupııasyzdandyrdy, 311 myńnan astam saıası qýǵyn-súrgin qurbandaryn tolyq aqtaldy. Bul týraly Aqorda jarııalady, dep habarlaıdy “Adyrna” ulttyq portaly.
«Qazirdiń ózinde 2,6 mıllıonnan astam qujat pen materıaldan qupııa belgisi alynyp tastaldy. Memlekettik komıssııa jumysynyń nátıjesinde qoldanystaǵy zańnama aıasynda 311 myńnan astam saıası qýǵyn-súrgin qurbandary aqtaldy. Ǵylymı-zertteý jumystarynyń nátıjelerin bir serııa aıasynda ǵylymı qujattaý maqsatynda Memlekettik komıssııanyń 72 tomdyq materıaldar jınaǵy baspaǵa daıyndaldy», - delingen Aqordanyń saıtynda.
Komıssııa Memleket basshysynyń 2020 jylǵy 24 qarashadaǵy Jarlyǵymen qurylǵan. HH ǵasyrdyń 20-50 jyldaryndaǵy saıası qýǵyn-súrgin qurbandaryn aqtaý jumystaryna 425 ǵalymdar, zertteýshiler men sarapshylar qatysty. Olardyń 260-tan astamy óńirlik komıssııalarǵa tartyldy. Olar respýblıka boıynsha 60 memlekettik jáne vedomstvolyq muraǵattarda jumys istedi.
Aldaǵy ýaqytta saıası qýǵyn-súrgin máseleleri boıynsha ǵylymı-zertteý jumystaryn 2021 jyly qurylǵan 20 ǵasyrdaǵy saıası qýǵyn-súrgin materıaldaryn zertteý ortalyǵy júrgizetin bolady.
Eki jyl ishinde arnaýly memlekettik muraǵattardan ortalyqqa 688 myńǵa jýyq is jáne qýǵyn-súrginge ushyraǵan tulǵalardyń 48 myńǵa jýyq tirkeý kartochkalary ótkizilgen.
Bul qarajat zertteýshiler men halyqqa qoljetimdi bolady.
