Qazaqstanda äuesqoilyq maqsatta aqbökenderdı aulauǧa rūqsat beru josparlanuda, dep habarlaidy «Adyrna» ūlttyq portaly QazTAG-qa sılteme jasap.
«Januarlar düniesın paidalanuǧa rūqsat beru qaǧidalaryn bekıtu turaly» Qazaqstan Respublikasy Auyl şaruaşylyǧy ministrı mındetın atqaruşynyŋ 2014 jylǧy 19 jeltoqsandaǧy № 18-04/675 būiryǧyna mynadai özgerıs engızılsın – osy būiryqqa 2, 3, 4 jäne 5-qosymşalarǧa säikes 10, 11, 12 jäne 13-qosymşalarmen tolyqtyrylsyn», - delıngen Ekologiia jäne tabiǧi resurstar ministrlıgı äzırlegen qūjat jobasynda.Orman şaruaşylyǧy jäne januarlar düniesı komitetı daiyndaǧan qūjatta, bekıtılgen aŋşylyq şaruaşylyqtarynyŋ aumaǧynda derivattardy (müiızderdı) qospaǧanda, aqbökenderge äuesqoilyq (sporttyq) aŋ aulau bölıngen kvotaǧa säikes jüzege asyrylatyny jazylǧan. Bekıtılgen aŋşylyq şaruaşylyqtarynyŋ aumaǧynda aqbökenderge äuesqoilyq (sporttyq) aŋ aulaudy jürgızuge ötınım jergılıktı atqaruşy organǧa berıledı.
«Rezervtık qor aumaǧynda aqbökenderge aŋ aulaudy jürgızuge arnalǧan Limit biologiialyq negızdeme negızınde belgılenedı», - delıngen qūjatta.Būiryq Ūlttyq ekonomika ministrlıgımen jäne İnvestisiialar jäne damu ministrlıgımen kelısıluı tiıs. Esteıŋızge salsaq, Ekologiia jäne tabiǧi resurstar ministrlıgı aŋ aulau erejelerıne özgerıster engızıp, jyl saiyn 1 qazan men 15 qaraşa aralyǧynda kiık aulauǧa rūqsat berılgenın jazǧan edık.
«Adyrna» ūlttyq portaly
Ūqsas jaŋalyqtar
