Mäjılıs töraǧasy Erlan Qoşanov Qazaqstanda qos bilıktıŋ joq ekenın aitty, dep habarlaidy "Adyrna" ūlttyq portaly.
Jurnalist «Sızder qūryp jatqan "Jaŋa Qazaqstan" men "Eskı Qazaqstanny" arasynda teketıres jürıp jatyr degen pıkır bar. Būǧan sebep eks-prezidenttıŋ "Astana kluby" jiynyna qatysyp, Resei prezidentı Putinmen kezdesuı bolyp otyr. Halyqtyŋ alaŋdauyna negız bar ma?» dep Mäjılıs töraǧasyna sūraq qoidy.
- Halyqtyŋ alaŋdauyna, sızdıŋ de alaŋdauyŋyzǧa negız joq. Bırınşı kezekte, eşbır qosbilık bügıngı künı joq, boluy mümkın de emes. Bügıngı künı barlyq şeşımdı halyq basym köpşılıgımen sailaǧan memleket basşysy qabyldaidy, - deidı ol.
Onyŋ aituynşa, eks-prezident memlekettık ısterge aralaspaidy. Ekınşıden, onyŋ kezdesulerı, ıs-şaralary, jol saparlary jeke azamat retınde özınıŋ qūqyǧyn paidalanǧany.
Eske sala keteiık, eks-prezident pen onyŋ qyzynyŋ halyq aldyna ūzaq üzılısten keiın qaita şyǧuy, Nūrsūltan Nazarbaevtyŋ Täuelsızdık künı qarsaŋynda Mäskeude bolǧany, būrynǧy elbasynyŋ jeltoqsanda jariialaǧan estelıgı turaly da aitylǧan edı.
Ūqsas jaŋalyqtar
