Tailandta 28 jastaǧy Qazaqstan azamaty Veronika Bychkova jan türşıgerlık apatqa ūşyrap, kömeksız qaldy. Jas turisttı qatty jyldamdyqpen jergılıktı tūrǧyn qaǧyp ketıp, oqiǧa ornynan qaşyp kettı, - dep habarlaidy "Adyrna" tılşısı "Astana" telearnasyna sılteme jasap.
Tuystarynyŋ aituynşa, zardap şeguşı jergılıktı auruhanaǧa synyq belgılerı bar dene jaraqatymen jetkızılgen, ol qolynan aiyrylyp qala jazdady.
Turist saiahatyn 50 myŋ dollarǧa saqtandyrǧany habarlandy. Bıraq küieuı saqtandyru kompaniiasyna jügıngende, olar öz mındettemelerınen bas tartty.
"Olardy Interteach halyqaralyq saqtandyru kompaniiasy saqtandyrdy. Apat pen jazataiym oqiǧadan keiın saqtandyru kompaniiasy gospitalizasiiaǧa da, emdeluge de eş kömek körsetpegen. Olar bırınşı operasiiany jasady, sodan keiın oǧan taǧy üş operasiia jasalady, öitkenı oǧan saqtandyrudy engızuı kerek. Qol süiegıne metall tüireuış ornatyp qoldy tolyǧymen qūrastyru kerek. Qoldaǧy süiektıŋ bır bölıgı bar, al keibır synǧan süiekterı qatty soqqydan şaşylyp, joǧalyp ketken», - deidı zardap şekken qyzdyŋ enesı, Almaty qalasynyŋ tūrǧyny Larisa Melnikova.Veronika Tailandtaǧy auruhanada bır aptaǧa juyq uaqyt boldy. Oǧan Qazaqstan halqy kömektesude. Alǧaşqy operasiiaǧa aqşa jinaǧan da solar. Veronikanyŋ tuystary Qazaqstan elşılıgınıŋ de äreketsızdıgıne narazy. Otbasy «Nūr Otan» partiiasynyŋ kömegıne jügıngen. Sodan keiın ǧana ıs oŋ jambasqa jyǧyldy, deidı jäbırlenuşınıŋ tuystary.
"Qazır bız būl faktı boiynşa Bas prokuraturaǧa, Syrtqy ıster ministrlıgıne hat joldadyq. Qazaqstan ökıldıgı kez kelgen kömektı körsetuı kerek, onyŋ ışınde zaŋger de bar. Men zaŋ şyǧaruşy organǧa, Mäjılıske, sotqa jügıngım keledı. Parlament jūmys tobyn qūryp, Qazaqstan Respublikasyndaǧy saqtandyru qyzmetı turaly zaŋǧa özgerıster engızsın», - dedı zaŋger Nūrlan Sliamov.
"Adyrna" ūlttyq portaly
Ūqsas jaŋalyqtar
