Жезқазғандағы N2 өңдеу зауытында 43 жастағы қызметкер әйелді механизм қысып қалып, мерт болды, деп хабарлайды "Адырна" ұлттық порталы Қазақмыс баспасөз қызметіне сілтеме жасап.
«Қазақмыс» компаниясының басшылығы мен еңбек ұжымы марқұмның отбасы мен жақындарына көңіл айтты.
«2023 жылдың 22 қарашасында Жезқазғандағы №2 өңдеу зауытында орын алған апат туралы өкінішпен хабарлаймыз. Машинист жан түршігерлік жарақат алды. Жедел жәрдем оның қайтыс болғанын хабарлады».
деп жазды компанияның баспасөз қызметі.
Сондай-ақ бүгін арнайы комиссияның апаттың мән-жайы мен себептерін анықтап жатқаны хабарланды.
Бұл Жезқазғандағы «Қазақмыста» орын алған бірінші қазалы оқиға емес. Бұған дейін N57 шахтасында жұмысшы қаза тапқан болатын.
