Almaty oblysyndaǵy taý shatqaldarynda júk kóligi aýdarylyp, júrgizýshi qaza tapty, dep habarlaıdy "Adyrna" ulttyq portaly oblystyń Tótenshe jaǵdaılar departamentiniń (TJD) baspasóz qyzmetine siltep.
«9 sáýirde saǵat 15.30-da Almaty oblysynyń Tótenshe jaǵdaılar departamentine Eskeldi aýdany, Cherkasaı shatqalynda «Gaz-66» avtokóligi taý jolynan shatqalǵa aýdarylyp ketkeni týraly habarlama kelip tústi. Oqıǵa saldarynan 1969 jyly týǵan er adam oqıǵa ornynda qaza tapty, taǵy bir 1990 jyly týǵan er adam jaraqat aldy», - dep habarlady.
Vedomstvoda habarlaǵandaı, qaza bolǵan júrgizýshiniń denesin shyǵarý úshin TJD Jedel-qutqarý jasaǵynyń qutqarýshylary (bes qyzmetker men bir tehnıka), eriktiler (10 adam men eki tehnıka) jumyldyryldy.
"Adyrna" ulttyq portaly
