OLIMP.KZ býkmekerlik keńsesine (BK) qatysty is jańadan ashylǵan mán-jaılarǵa baılanysty qaıta qaralýda, dep habarlaıdy «Adyrna» ulttyq portaly QazTagqa silteme jasap.
Qazaqstan Respýblıkasynyń Bas prokýratýrasy OLIMP.KZ isi boıynsha sottalǵandardyń týystarynyń ótinishinen keıin jańadan ashylǵan mán-jaılar boıynsha isti qaıta tergeý (tekserý) jumystaryn júrgizý týraly sheshim qabyldady.
«Aıyptalýshylardyń týystary Astana qalasy boıynsha Ulttyq qaýipsizdik departamentine «OLIMP.KZ» BK qylmystyq isiniń tapsyryspen oryndalýy múmkin faktisi boıynsha tergeý jumystaryn júrgizý týraly ótinishpen júgindi», - dep jetkizdi UQKD ókilderi.
Aıta keteıik, sottalǵandarǵa 2014-2019 jyldar aralyǵynda Betgames onlaın-kazınosy túrindegi zańsyz oıyn bıznesin júrgizdi degen aıyp taǵyldy. Nátıjesinde, 90 mıllıard teńgeden astam somaǵa oıyn salyǵy men jeke tabys salyǵy tólenbegen.
Osyǵan baılanysty sot úkimi boıynsha OLIMP.KZ bank shotyndaǵy 20 mıllıard teńgege jýyq aqshanyń barlyǵy tárkilendi. Bul rette sot oıyn salyǵy, jeke tabys salyǵy jáne zańsyz oıyn oınaý kezeńinde eseptelgen ósimpul túrinde qosymsha 90 mıllıard teńge óndirý týraly sheshim qabyldaǵan bolatyn.
«Adyrna» ulttyq portaly
