Ulttyq mýzeıdiń burynǵy dırektory, burynǵy Mádenıet jáne sport mınıstri Arystanbek Muhamedıulynyń ústinen qozǵalǵan qylmystyq is boıynsha sot úkimi shyqty. Burynǵy mınıstr segiz jylǵa sottaldy, dep habarlaıdy "Adyrna" ulttyq portaly.
Astana qalasynyń № 2 Baıqońyr aýdandyq sotynyń sýdıasy Baǵlan Ydyrysov burynǵy mádenıet mınıstri Arystanbek Muhamedıulyna jáne basqa da qylmysqa qatysy bar dep tanylǵan tulǵalarǵa qatysty úkim shyǵardy.
"Arystanbek Muhamedıuly QR Qylmystyq kodekstiń 28-baby 3-bóligi jáne 189-bóligi 4-tarmaǵy 2-tarmaǵy boıynsha quqyq buzýshylyq jasaǵany úshin kináli dep tanylsyn. 8 jylǵa bas bostandyǵynan aıyrý jazasy taǵaıyndalsyn", - dedi sýdıa Baǵlan Ydyrysov.
Sondaı-aq, sot Muhamedıulyn memlekettik nagradalardan aıyrý týraly qaýly shyǵardy.
Sot sheshimimen Arystanbek Muhamedıuly memlekettik qyzmette, jergilikti ózin-ózi basqarý organdarynda qyzmet atqarý quqyǵynan ómir boıy aıyryldy.
Oraıy kelgende aıta keteıik, prokýror Arystanbek Muhamedıulyn 9 jylǵa bas bostandyǵynan aıyrýdy suraǵan edi.
Esterińizde bolsa, 2022 jyldyń 28 mamyrynda sot sheshimimen Ulttyq mýzeı dırektory bolǵan Arystanbek Muhamedıuly qamaýǵa alyndy.
Tergeý "Altyn adamnyń álem murajaılary boıynsha sherýi" halyqaralyq kórmesin ótkizýge, sondaı-aq "Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrııalyq 3D-skanerleý" jáne "Qazaqstan Respýblıkasynyń Ulttyq ıfrlyq kınokollekııasyn ıfrlandyrý" jobalaryna bólingen bıýdjet qarajatyn urlaý faktileri boıynsha júrgizildi.
Burynǵy mınıstrdiń sot otyrysynda aıtqan "aqyrǵy sózi" qalyń kópshilikke jetti. Jyldar jeteginde basshylyq minberinen túspegen Muhamedıuly:
– Qurmetti sot! Men kez kelgen jazaǵa kelisemin, tipti atyp tastasa da meıli – biraq tek aqsha jymqyrdy degen aıyp emes. Qazaqtyń keremet maqaly bar. "Ólimnen uıat kúshti". Men 60 jyl laıyqty ómir súrdim, – degen edi.
Áleýmettik jelide Arystanbek Muhamedıulyn aıdaýyldar áketip bara jatqanyn kórsetetin vıdeo tarady. Onda burynǵy mınıstrdiń týysqandary sot otyrysynda soıqan uıymdastyryp, úkimmen kelispegenderin bildirgeni baıqalady.
Jınaqtaı aıtqanda, tergeý bir jylǵa sozyldy. Tergeý málimetinshe, biraz jyl mádenıet jáne sport mınıstrligin basqarǵan Muhamedıuly men onyń sybaılastarynyń memleketke keltirgen shyǵyny shamamen 221 mıllıon teńgeden asady.
"Adyrna" ulttyq portaly
