Tájikstanda birneshe sheneýnikke qatysty sot úkim shyǵardy, dep habarlaıdy “Adyrna” ulttyq portaly “Azııa-Plıýs”-ke siltep.
5 aqpanda Tájikstannyń Joǵarǵy soty "memlekettik tóńkeris jasaýǵa árekettendi" degen aıyp taǵylǵan birneshe tulǵany uzaq merzimge bas bostandyǵynan aıyrdy. Keıbir sottalýshylar 27 jylǵa deıin bas bostandyǵynan aıyryldy.
Sot proesi Ulttyq qaýipsizdik memlekettik komıtetiniń (UQMK) tergeý ızolıatory aýmaǵynda jabyq rejımde ótti. Sottalǵandar qatarynda burynǵy sheneýnikter, saıasatkerler jáne jýrnalıster bar.
Málimetterge sáıkes, Tájikstan parlamentiniń depýtaty, Demokratııalyq partııanyń burynǵy tóraǵasy Saıddjafar Ýsmonzoda men eldiń eks-syrtqy ister mınıstri Hamrohon Zarıfı 27 jylǵa bas bostandyǵynan aıyrylyp, múlikteri tárkilendi.
Sonymen qatar, Soıal-demokratııalyq partııa tóraǵasynyń orynbasary Shokırdjon Hakımov pen jýrnalıst, Demokratııalyq partııanyń burynǵy basshysy Ahmadshoh Komılzoda - 18 jylǵa, Tájikstan joǵarǵy keńesiniń burynǵy tóraǵasy Akbarshoh Iskandarov pen otstavkadaǵy polkovnık Nuramın Ǵanızoda - 18 jylǵa, al SIM-niń burynǵy basqarma basshysy Abdýlfaız Atoı 17 jylǵa sottaldy.
Jýrnalıst Rýhshona Hakımova "memleketke opasyzdyq jasady" degen aıyppen 8 jylǵa bas bostandyǵynan aıyryldy. Buǵan deıin onyń eki kishkentaı balasynyń bolýyna baılanysty bostandyqta júrgeni habarlanǵan. Alaıda sot úkimi shyqqannan keıin ol zalda tutqyndaldy.
«Azııa-Plıýs» málimetinshe, Hakımovaǵa qatysty is onyń Tájikstandaǵy Qytaı yqpaly týraly suraý salýymen baılanysty bolǵan.
Adam quqyǵyn qorǵaıtyn halyqaralyq uıymdar Sovet odaǵy taraǵannan keıingi azamattyq soǵystan beri úzbeı bılikte otyrǵan Imamalı Rahmon kezeńinde Tájikstanda repressııalyq tásil ústem bolǵanyn aıtady.
