Búgin Batys Qazaqstan oblysynyń ákimi Narıman Tóreǵalıev Qazaqstannyń Eńbek Eri, «Otan», «Parasat» ordenderiniń ıegeri, halyqaralyq Shyńǵys Aıtmatov jáne Jambyl atyndaǵy syılyqtardyń laýreaty, Qazaqstannyń jáne Qyrǵyzstannyń eńbek sińirgen qaıratkeri, Qazaqstan Kórkemsýret Akademııasynyń akademıgi, jazýshy, kompozıtor, ónertanýshy, sýretshi Ilııa Jaqanovty qabyldady.
Óńir basshysy belgili ónertanýshyǵa alǵysyn bildirdi. Odan ári qaraı «Atameken» óner ordasynda Ilııa Jaqanovtyń shyǵarmashylyǵyna arnalǵan respýblıkalyq «Edil-Jaıyq» sýretshiler sımpozıýymynyń ashylý saltanaty ótti.
Aıta keteıik, Ilııa Jaqanov 1936 jyly 6 mamyrda Jambyl oblysy Sarysý aýdanyndaǵy Aqtoǵaı aýylynda jaryq dúnıege kelgen. Ol 1959 jyly S. Kırov atyndaǵy Qazaq memlekettik ýnıversıtetin bitirgen. Al 1959-1963 jyldary «Qazaqstan pıoneri» (qazirgi «Ulan») gazetinde ádebıet jáne óner bóliminiń meńgerýshisi bolǵan. Sondaı-aq 1963-1984 jyldar aralyǵynda Qazaq KSR Mınıstrler Keńesiniń Televızııa jáne radıohabar jónindegi Memlekettik komıteti júıesinde ádebı redaktor, Qazaq radıosynyń mýzykalyq redakııasynda bas redaktor qyzmetterin atqardy.
