Bır jarym jylda elımızde 10 mln gektar jer qaitaryldy
«AMANAT» partiiasynyŋ Atqaruşy hatşysy Däulet Kärıbek «Jer amanaty» komissiiasynyŋ müşelerımen bırge Almaty oblysynyŋ tūrǧyndarymen kezdesıp, jaiylym tapşylyǧy mäselesın talqylady. «Jer amanaty» partiialyq komissiiasynyŋ müşelerımen kezdesuge Almaty oblysy Eŋbekşıqazaq audany Qaztai Ūltaraqov (Masaq) auylynyŋ tūrǧyndary, 30-ǧa juyq fermer keldı. Aşyq äŋgıme barysynda auyl tūrǧyndary men şarua qojalyqtarynyŋ basşylary jer tapşylyǧy mäselesın ǧana emes, qūdyq jetıspeuşılıgı, subsidiialardyŋ azdyǧy, dizel otyny baǧasynyŋ şaryqtauy siiaqty bırqatar özektı mäsele köterdı. Būǧan deiın jergılıktı tūrǧyndar mal jaiatyn jer joq ekenın aityp, partiiaǧa şaǧymdanǧan bolatyn. Al Ile Alatauy «Būǧyty» sılemınıŋ aumaǧyndaǧy ülken jer uchaskesı jeke qolǧa ötıp ketken. Nätijesınde, biyl qyrküiek aiynda «Jer amanaty» komissiiasynyŋ aralasuymen 2,4 myŋ gektar jer memleket menşıgıne qaitarylyp, jalpy paidalanuǧa berıldı. Sonymen qatar, osy jyly qaraşada Şelek auyldyq okrugı aumaǧynda ornalasqan 11,8 myŋ gektar jer de memleket menşıgıne berıldı. «AMANAT» partiiasynyŋ Atqaruşy hatşysy, «Jer amanaty» komissiiasynyŋ töraǧasy Däulet Kärıbek atap ötkendei, bır jarym jyl ışınde el aumaǧynda 10 mln gektarǧa juyq jer qaitaryldy. Memleket basşysy Qasym-Jomart Toqaev jerdı ädıl bölu mäselesıne erekşe nazar audarady. «AMANAT» partiiasy prezidenttıŋ qoǧamdyq tıregı bola otyryp, jalpyhalyqtyq maqsaatty jüzege asyrudyŋ qoǧamdyq monitoringın öz mındetıne alyp otyr.
«Auyldyŋ ärbır tūrǧyny jaiylymǧa qol jetkıze aluy kerek. Sondyqtan «Jer amanaty» komissiiasy paidalanylmai jatqan auyl şaruaşylyǧy maqsatyndaǧy jerlerdı latifundisterden qaitaryp alu boiynşa jūmys ısteude. Atap aitqanda, Almaty oblysynda 213,5 myŋ ga jaiylym jer memleket menşıgıne qaitaryldy. Eŋbekşıqazaq audanynyŋ Qaztai Ūltaraqov (Masaq) auylynyŋ tūrǧyndary Ile-Alatau ūlttyq parkınıŋ aumaǧyndaǧy Assy üstırtınıŋ 3,5 myŋ ga jerın qaitaryp aludy tarihi ädıldıktıŋ ornauy dep sanaidy», – dep atap öttı ol.
Jergılıktı tūrǧyndardyŋ aituynşa, auyl şaruaşylyǧymen jäne mal baǧumen ainalysqysy keletın adamdardyŋ sany artyp keledı.
«Būryn bız eşteŋege senbeitın edık. Auyldyŋ ahualyn jaqsartumen 30 jyldan berı eşkım ainalysqan joq. Bıraq qazır bilıkke, «AMANAT» partiiasyna degen senım artyp keledı. Sebebı, zaŋsyz bölıngen jerler memleket pen halyqqa qaitarylyp jatyr. Auyl örkendese, adamdardyŋ äl-auqaty jaqsarsa – qala tūrǧyndaryna da qoldau bolary anyq», – dedı aqsaqal Ryskeldı Jaqabaev.
Al Mäjılıs deputaty Baqytjan Bazarbektıŋ aituynşa, jaiylymdy jerlerdıŋ mäselesı Qazaqstannyŋ tükpır-tükpırınde öte özektı bolyp tūr.
«10 mln gektarǧa juyq jer qaitaryldy. Būl – bırınşı kezekte «Jer amanaty» komissiiasynyŋ jūmysy. Bız zaŋǧa «qoǧamdyq jaiylym» degen ūǧymdy engızıp otyrmyz. «Qoǧamdyq jaiylym» degen ūǧymmen qosa, endı jemqorlyqqa belşesınen batqan äkımder qoǧamdyq jaiylymdy jerlerdı yǧai-syǧailarǧa beruge qūqyǧy joq. Sebebı ol bazaǧa qoǧamdyq jaiylymdyq jerler retınde engızıletın bolady. Sonymen qatar, naqty bır eldımekende soŋǧy 5 jyl tūrǧan azamat endı jer alu kezınde qosymşa ūpaiǧa ie bolady. Jaiylymdy jerlerdı egıstık jerlerge ainaldyruǧa bolmaidy. Sondai-aq endı äkımder jaiylymdy jerlerdı rezervke qoiuǧa mındetteledı», – deidı deputat.
Aita keteiık, «AMANAT» partiiasynyŋ Almaty oblystyq sailaualdy baǧdarlamasynda 2027 jylǧa deiın 260 myŋ gektar jerdı memleket menşıgıne qaitaru jönınde mındetı qoiyldy. Bügınde būl jospardyŋ 82%-y oryndaldy.
Jer mäselesın jedel şeşu üşın qazaqstandyqtar zaŋ būzuşylyqtyŋ barlyq faktısı turaly «AMANAT» partiiasynyŋ 8 800 080 44 41 telefony arqyly habarlai alady. Ötınımder WhatsApp arqyly da +7 700 800 44 41 nömırı boiynşa qabyldanady.
«Adyrna» ūlttyq portaly
Ūqsas jaŋalyqtar
