Mäjılıstegı «AMANAT» partiiasy fraksiiasynyŋ müşelerı osy jyly atqarylǧan jūmysty qorytyndylap, aldaǧy uaqytta qolǧa alynatyn negızgı maqsat-mındetterdı talqylady. Deputattar Memleket basşysynyŋ tapsyrmalary, sondai-aq Prezident pen partiianyŋ sailaualdy baǧdarlamalary sapaly ärı uaqtyly oryndalyp jatqanyn erekşe atap öttı. Sonymen qatar zaŋ şyǧaru qyzmetınıŋ nätijelerı saralanyp, aldaǧy kezeŋdegı negızgı mındetter aiqyndaldy jäne sailauşylarmen kezdesu üşın deputattardyŋ öŋırlık saparlaryna daiyndyǧy pysyqtaldy.
Mäjılıs Spikerı, «AMANAT» partiiasynyŋ Töraǧasy Erlan Qoşanovtyŋ aituynşa, qazır elımızde tarihi özgerıster jürıp jatyr jäne partiia osy üderısterdıŋ alǧy şebınde tūr. Biyl Prezidenttıŋ qatysuymen alǧaş ret auyl äkımderınıŋ dialog-platformasy ötkızılıp, onda el damuyna qatysty maŋyzdy mäseleler talqylandy. Būl alaŋ – partiia äleuetınıŋ jäne el basşylyǧynyŋ oǧan degen joǧary senımınıŋ aiqyn körsetkışı.
«Prezident saiasaty – partiia jūmysynyŋ negızgı basymdyǧy. Sondyqtan bız Memleket basşysynyŋ barlyq Joldaularyn, reformalary men bastamalaryn qoldaimyz. Öitkenı, olardyŋ artynda memlekettık müdde, azamattardyŋ äl-auqaty jäne elımızdıŋ tūraqty damuy tūr.Partiia öz jūmysynda osyny basşylyqqa alady.Osy şaqyrylymda deputattar bastamaşylyq etken 98 zaŋnyŋ 88-ın partiiamyzdyŋ müşelerı äzırledı. Būl – Mäjılıstegı bastamaşyl zaŋdardyŋ 90 paiyzy «AMANAT» fraksiiasyna tiesılı degen söz. Osy joǧary qarqyndy aldaǧy uaqytta da saqtau qajet», – dedı Erlan Qoşanov.
Sonymen qatar partiia Töraǧasy zaŋ şyǧaru prosesı barysynda fraksiia müşelerı 7100-den astam özgertu men tüzetu engızgenın atap öttı. Olar 728 deputattyq saual joldady. Iаǧni, osy şaqyrylymda Mäjılıs qabyrǧasynda joldanǧan deputattyq saualdardyŋ jartysynan köbısı«AMANAT» fraksiiasynyŋ müşelerıne tiesılı. Būl saualdardyŋ barlyǧy azamattardy tolǧandyrǧan özektı mäselelerdı şeşuge baǧyttalǧan.
Erlan Qoşanov «Qaryzsyz qoǧam», «Auyl amanaty», «Jer amanaty» jäne «Sifrlyq qoǧam» partiialyq jobalaryna erekşe nazar audardy.Bügınde osy jobalar belsendı türde jüzege asyrylyp, milliondaǧan azamatqa naqty qoldau körsetıp otyr. Deputattar būl jobalardy jüielı jüzege asyru ısıne belsendı aralasyp, olardyŋ mänı men maŋyzyn halyqqa keŋınen tüsındıruge tiıs.
Sondai-aq Mäjılıs Spikerı auyl äkımderınıŋ dialog-platformasynda Prezident aiqyndap bergen negızdı mındetterdı jüzege asyru jūmysyn jedeldetudı tapsyrdy. Atap aitqanda, audan äkımderın sailau jäne IV deŋgeilı biudjetterdı jetıldıru boiynşa naqty ūsynystar äzırleu qajetekenı atap ötıldı. Būl mäseleler «AMANAT»partiiasynyŋ Öŋırlık damu jönındegı respublikalyq keŋesınde aşyq ärı jan-jaqty qaraluǧa tiıs. Sondai-aq fraksiia şalǧai audandarmen şekaralyq aumaqtardy damytuǧa arnalǧan zaŋnyŋ tezdetıp qabyldanuyn qamtamasyz etuı qajet. Būl osy audandardyŋ tūraqty ärı keşendı äleumettık-ekonomikalyq damuyna baǧyttalǧan jüielı qūjat boluy kerek.
Jiyn soŋynda partiia Töraǧasy parlamentşılerdıŋ öŋırlerge sapary aldynda deputattarǧa bırqatar mındet jüktedı. Kelesı jyly qaŋtar aiynda sailauşylarmen kezdesuler bastalady. Sapar barysynda deputattar öndırıstık jäne äleumettık nysandardy aralap, eŋbek ūjymdarymen jüzdesıp, azamattardy jeke qabyldaidy. Erlan Qoşanov būl kezdesuler jergılıktı mäselelerdı aşyq talqylauǧa jäne qabyldanǧan zaŋdardyŋ mänın halyqqa tüsındıruge baǧyttalǧan mazmūndy dialog formatynda ötuge tiıs ekenın atap öttı.
