Bügın «AMANAT» Töraǧasy Erlan Qoşanov partiia aktivımen jiyn ötkızdı. Jiyndy aşqan ol bügınde bükıl elımız boiynşa amanattyqtar azamattardyŋ müddelerın qorǧauǧa qatysty jūmysqa basa nazar audaruy kerek ekenın atap öttı, dep habarlaidy “Adyrna” ūlttyq portaly.
“Ükımettıŋ soŋǧy keŋeitılgen otyrysynda Memleket basşysy qoǧamdy tolǧandyryp otyrǧan bırqatar naqty äleumettık-ekonomikalyq problemany atap öttı. Olardyŋ ışınde: baǧanyŋ ösuı, jekelegen tauarlar türlerın jetkızudegı ırkılıster, azyq-tülık qauıpsızdıgı mäselelerı, halyqtyŋ naqty tabysynyŋ tömendeuı siiaqty mäseleler bar. Partiia būl jūmysqa belsendı aralasuy kerek. Jergılıktı jerlerdegı ahualdyŋ tiımdı monitoringın qamtamasyz etu maŋyzdy. Äleumettık maŋyzy bar tauarlardyŋ baǧasy erekşe nazarda boluy tiıs. Jüielı problemalardy jedel anyqtap, olar boiynşa öz şeşımderın ūsynu qajet”, - dedı E.Qoşanov.
Partiia Töraǧasy būl üşın amanattyqtardyŋ barlyq qajettı resurstary bar ekenın atap öttı: keŋ filialdyq jelı, azamattar kömek pen qoldau üşın keletın qoǧamdyq qabyldau bölmelerı, sarapşylar men belsendı azamattyq ūstanymy bar adamdardy bırıktıretın qoǧamdyq keŋester.
“Osy qolda bar resurstardyŋ barlyǧyn qazır alypsatarlyqtyŋ kez kelgen türlerımen küresuge baǧyttau kerek. Partiia müşelerı asa maŋyzdy önımder baǧasyn negızsız köteruge jol bermei jäne adal käsıpkerlerdıŋ müddesın qorǧai otyryp, tauardy jetkızuşılerden düken sörelerıne deiıngı barlyq jetkızu tızbegın qadaǧalap otyruy tiıs”, - dep atap öttı E.Qoşanov.
Keŋes barysynda partiia Töraǧasyna «AMANAT» qazır jüzege asyryp jatqan äleumettık maŋyzdy jobalarǧa qatysty jūmystar turaly baiandaldy.
«Jer amanaty» jobasy aiasynda azamattar üşın auyl şaruaşylyǧy jerlerınıŋ qoljetımdılıgın arttyru boiynşa jūmystar jürgızılude. Onyŋ basty maqsaty — paidalanylmai jatqan, onyŋ ışınde zaŋsyz jeke menşıkke ötken jerlerdı memleket menşıgıne qaitaru jäne olardy auyl tūrǧyndaryna ūsynu. Partiia müşelerınıŋ arqasynda 267 myŋ gektar jer memleket menşıgıne qaitaryldy. Jūmys elımızdıŋ barlyq öŋırınde jalǧasuda.
«Auyl amanaty» jobasy aiasynda Ükımetpen bırlesıp auyl tūrǧyndarynyŋ tabysyn arttyru jäne auyldyq okrug äkımderın öndırıstık daǧdylarǧa üiretu boiynşa jūmystar jürgızılude. Atap aitqanda, jaqyn arada arnaiy marafon barysynda amanattyqtar 179 audandaǧy 394 eldı mekenge barudy josparlap otyr. Būl 250 myŋnan astam qazaqstandyqty «Auyl amanaty» jobasy turaly habardar etuge mümkındık beredı. Qazırgı uaqytta joba boiynşa 2,3 myŋnan astam auyldyq okrug äkımderı oqytyldy.
Irı bastauyş partiia ūiymdarynyŋ bazasynda bükıl elımız boiynşa 1 tamyzdaǧy jaǧdai boiynşa 286 qoǧamdyq qabyldau bölmesı aşyldy, oǧan 1200-den astam ötınış kelıp tüstı. Tūrǧyndar kötergen mäselelerdı şeşu üşın jüielı jūmys jasaldy. Atap aitqanda, qazaqstandyqtardyŋ ötınışterın qarau nätijelerı boiynşa Batys Qazaqstan oblysynyŋ Ūialy auylynda elektr jelılerı üşın jaŋa baǧanalar ornatyldy, Batys Qazaqstan oblysynyŋ Jūldyz auylyndaǧy mekteptı salǧan qūrylysşylarǧa jalaqy boiynşa qaryzdar tölendı. Taraz qalasyndaǧy qūrylysşylardyŋ da osyǧan ūqsas mäselesı şeşıldı. Tek partiia müşelerınıŋ aralasuynan keiın ǧana Aqmola oblysynyŋ Krasnyi iar auylyndaǧy joldardy jöndeuge qarajat bölındı.
Partiia äleumettık maŋyzy bar azyq-tülık önımderıne baǧa monitoringı boiynşa 216 top qūrdy. Bır aptaǧa jetpeitın uaqyt ışınde bükıl elımız boiynşa 1045 sauda nysandarynda 700-den astam reid jürgızıldı. Anyqtalǧan faktılerdıŋ ışınde eŋ rezonanstysy: belgılı bır tauarlardyŋ jetıspeuşılıgı, baǧasynyŋ körsetılmeuı, belgılengen şektı baǧadan asyp ketu. Ärbır anyqtalǧan problema boiynşa jaǧdaidy tüzetu üşın jedel şaralar qabyldanady.
Keŋes qorytyndysy boiynşa «AMANAT» Töraǧasy Erlan Qoşanov partiianyŋ Ortalyq apparaty men öŋırlık filialdarynyŋ aldyna jūmysty küşeitu boiynşa bırqatar naqty mındet qoidy.
”Adyrna” ūlttyq portaly
