Qaznette «BozashyTransQurylys» JShS qyzmetkerleri Qazaqstan prezıdenti Qasym-Jomart Toqaevqa, oblys ákimi Nurlan Noǵaevqa jáne «QazMunaıGaz» basshylyǵyna arnap úndeý jarııalaǵan vıdeo tarady.
Olar óz úndeýinde West Oil Software kompanııasynyń qyzmetkerlerin tolyq qoldaıtynyn aıtyp, talaptarynyń tolyq oryndalýyn talap etedi. Sonymen qatar, «BozashyTransQurylys» kompanııasynyń qyzmetkerleri eńbek daýy kezinde jumysshylardy qýdalaýdy toqtatýǵa shaqyrady.
Osyǵan uqsas úndeýde munaı óndirisin hımııalandyrý qyzmetkerleri de West Oil Software jumysshylarynyń talaptaryn qoldaıtyndyqtaryn jáne olardyń yntymaqtastyǵyn jarııalady.
Buǵan deıin Mańǵystaýda West Oil Software munaı servıstik kompanııasynyń qyzmetkerleri ereýilge shyqqanyn jazǵan edik. Olar «QazMunaıGazǵa» qosylýdy, sondaı-aq olarǵa biryńǵaı jalaqy júıesin qoldanýdy, materıaldyq-tehnıkalyq bazasyn jańartýdy talap etedi.
Aıta ketsek, jeltoqsannyń 11-i kúni keshke ereýilshiler aýa raıynyń qolaısyzdyǵyna qaramastan taramaıtyndaryn, narazylyqtaryn jalǵastyratyndaryn málimdedi. Jumysshylardyń aıtýynsha, oqıǵa ornynda arnaıy polıııa qyzmetkerleri kezekshilik etýde.
Internette taraǵan ereýilshilerdiń vıdeosy belgili bir er adamnyń «Shatyr tigýge bolmaıdy deıdi, shatyr ornatýǵa ruqsat bermeıdi» degen daýystar estildi.
Keıin Energetıka mınıstri Almasadam Satqalıev ereýil týraly túsinikteme berip, qajet bolǵan jaǵdaıda aımaqqa barýǵa daıyn ekenin, alaıda ázirge másele tapsyrys berýshi men merdiger arasyndaǵy qarym-qatynas salasynda ekenin aıtty.
«QazMunaıGaz» kompanııasynyń tóraǵasy Maǵzum Mırzaǵalıev te ereýilge qatysty óz pikirin bildirdi. Ol kompanııa ereýilge shyqqan jumysshylardy jumysqa ala almaıtynyn aıtty.
Sonymen birge ol kompanııa West Oil Software jabdyqtaryn jańartatyna ýáde berdi.
