Almatyda Jastar saiasaty basqarmasynyŋ qoldauymen qala volonterlerı jaz boiy barlyq audandarda tegın otandyq filmderdı körsetıp, aşyq aspan astyndaǧy erekşe jobany jüzege asyrdy. Biylǧy mausym respublikalyq «Taza Qazaqstan» aksiiasyaiasynda ötıp, ärbır körsetılım aldynda körermenderge ekologiialyq mädeniettı arttyruǧa baǧyttalǧan tüsındırme jūmystary jürgızıldı. Keibır filmderden keiın senbılık şaralary ūiymdastyrylyp, jastar qala tazalyǧyna öz ülesın qosty.
Üş aidyŋ ışınde 50-den astam kinokörsetılım ötkızılıp, myŋdaǧan almatylyqtar jaŋa qazaqstandyq filmderdı tamaşalau mümkındıgıne ie boldy.
«Bız būl jobany tek mädeni demalys retınde ǧana emes, jastardyŋ ekologiialyq mädenietın qalyptastyryp, äleumettık jauapkerşılıgın arttyratyn maŋyzdy alaŋ retınde qabyldaimyz. Kino arqyly qoǧamǧa oi saluǧa, jastardyŋ belsendılıgın arttyruǧa mümkındık bar. Sondyqtan jobany aldaǧy jyly da jalǧastyrudy josparlap otyrmyz», – dedı Almaty qalasy Jastar saiasaty basqarmasynyŋ basşysy Aziz Kajdenbek.
«Men osy joba aiasynda üş-tört ret film kördım. Eŋ keremetı – jaŋa qazaqstandyq kartinalardy alǧaşqylardyŋ bırı bolyp köru mümkındıgı boldy. Är filmnen keiın dostarymmen bırge talqylap, jaŋa äser aldyq. Būl tek kino emes, naǧyz mädeni kezdesu ornyna ainaldy», – dedı körsetılımge qatysqan jas almatylyq Aidos Erjanov.
Ūiymdastyruşylardyŋ aituynşa, aşyq aspan astyndaǧy kinokörsetılımder tūrǧyndardyŋ süiıktı mädeni jobasyna ainalyp ülgerdı. Būl bastama keler jyly da jalǧasyn tauyp, qala tūrǧyndary men qonaqtaryna jaŋa qazaqstandyq filmderdı tamaşalauǧa mümkındık beredı.
