Kýveıttiń ámiri, 86 jastaǵy sheıh Navaf ál-Ahmad as-Sabah úsh jyldyq bılikten keıin qaıtys boldy, dep habarlaıdy "Adyrna" tilshisi euronews-ke silteme jasap.
Onyń qaıtys bolǵany týraly memlekettik telearnada habarlandy. Degenmen, monarhtyń óliminiń sebebi atalmaǵan.
Tek qarasha aıynyń sońynda ál-Ahmad As-Sabah densaýlyǵynyń nasharlaýyna baılanysty aýrýhanaǵa jatqyzylǵany aıtylǵan bolatyn.
Kýveıttiń jańa ámiri retinde bılikke onyń inisi keldi. Jańa basshy Mıshaal ál-Ahmad As-Sabah 83 jasta. Ol osy ýaqytqa deıin álemdegi eń kári hanzada, taq murageri bolyp sanalǵan.
Aıta keteıik, 4,2 mıllıon halqy bar Kýveıt álemdegi munaı qory boıynsha altynshy orynǵa ıe.
