96 jasyna qaraǵan shaǵynda Rım Papasy Benedıkt XVI (Iozef Aloız Ratınger) qaıtys boldy. Bul jóninde senbi kúni qasıetti prestoldyń baspasóz qyzmeti málimdedi, dep habarlaıdy “Adyrna” ulttyq portaly.
"Rım Papasy qurmetti Benedıkt XVI búgin saǵat 09:34-te Vatıkandaǵy Mater Ecclesiae monastyrinde qaıtys bolǵanyn qaıǵyra otyryp habarlaımyz", – delingen habarlamada.
Aıta keteıik, Benedıkt XVI (Iozef Aloız Ratınger) 2005 jyldyń sáýirinen 2013 jyldyń aqpanyna deıin Apostol taǵynda boldy. Ol 265-shi Rım Papasy jáne Rım Papasy Klement XII-den (1730 jyly saılanǵan) keıin saılanǵan eń qart apostol retinde belgili. 2013 jyldyń 11 aqpanyndaǵy konsıstorııada Benedıkt XVI kútpegen jerden taqtan bas tartý týraly sheshimin jarııalady. Sodan beri ol Vatıkan baǵyndaǵy Mater Ecclesiae shaǵyn monastyrynda turǵan.
