Mäjılıs deputaty Aidos Sarym eks-prezidenttıŋ ınısı Bolat Nazarbaevtyŋ tuǧan qyzy Aqbota Nazarbaevaǧa qatysy bar «Tolaǧai-2050» kompaniiasymen jasalǧan milliardtardy synady, dep habarlaidy "Adyrna" ūlttyq portaly.
«Qazaqstan Respublikasynyŋ aumaqtyq qauıpsızdıgın qamtamasyz etu maqsatynda 50 şekara zastavasyn salu josparlanǧan bolatyn. 2022 jyly 20 şekara zastavasyn salu boiynşa jūmystardy satyp aluǧa tender jariialandy jäne 53 894 milliard teŋge somasyna merdıgerlık ūiymdar «Kapital construction» JŞS-men jäne «TOLAGAI-2050» JŞS-men jalpy şarttar jasaldy. Jasalǧan şartqa säikes «TOLAGAI-2050» JŞS 40 350 milliard teŋge somasyndaǧy 15 şekara zastavasyn saluǧa tiıs edı. Jūmysty oryndau merzımı 2023 jylǧy 31 jeltoqsanǧa deiın», - dedı Sarym särsenbı künı Mäjılıs otyrysynda.
Ol jyl soŋyna deiın 17 kün qalǧanyn atap öttı.
«Alaida, joǧaryda körsetılgen şart boiynşa merzım öreskel būzyldy. Būdan basqa, jürgızıletın jūmystardyŋ sapasyna şaǧymdar tüsude. Qolda bar aqparat boiynşa aǧymdaǧy jyldyŋ 1 qazanynda «TOLAGAI-2050» JŞS tek 13 960 milliard teŋgenı igerdı, būl şarttyŋ jalpy somasynyŋ 35 %-y igerıldı degen söz. Osy obektıler boiynşa «TOLAGAI-2050» JŞS şartty oryndau merzımın taǧy 9 aiǧa ūzartudy sūraidy, būl jobanyŋ aitarlyqtai qymbattauyna alyp keluı mümkın» – dep basa aitty deputat.
Ol «Tolaǧai-2050» kompaniiasy suaru jüielerın qaita jaŋǧyrtu, Sairan su qoimasyn mehanikalyq tazalau jobalary, sondai-aq Almaty men Pavlodar oblysyndaǧy basqa da jobalar üşın BAQ-ta bırneşe ret synǧa ūşyraǧanyna» nazar audardy.
«Kompaniia 80-nen astam azamattyq jäne äkımşılık sot tergep-tekseruıne qatysty, onyŋ 10-nan astamy 2023 jyly öttı, onyŋ ışınde memlekettık satyp alu räsımınde mındetın adal oryndamauşy dep tanyldy (Pavlodar oblysynyŋ soty)», - dedı parlamentarii.
Onyŋ aituynşa, «osyǧan orai, Kölık ministrlıgınıŋ Avtomobil joldary komitetı jobaǧa tapsyrys beruşı bola otyryp, kelısım-şartty būzuǧa barlyq zaŋdy negız bolǧanymen, bügıngı künge deiın eşqandai şara qoldanbaǧan».
«2022 jyldyŋ 3 aqpanyna deiın būl kompaniianyŋ qūryltaişylary arasynda marqūm Bolat Nazarbaevtyŋ qyzy (Nūrsūltan Nazarbaevtyŋ ınısı - "Adyrna") Aqbota Nazarbaev bolǧanyn atap ötemız», - dep naqtylady mäjılısmen.
Ol sondai-aq şekara zastavalaryn salu öŋırlık qauıpsızdıktı qamtamasyz etudıŋ ırgelı qūramdas bölıkterınıŋ bırı bolyp tabylatynyna erekşe nazar audardy.
«Qūrylys merzımderınıŋ būzyluy eldıŋ aumaqtyq tūtastyǧyn būzu, esırtkı tasymaly men basqa da tyiym salynǧan önımderdıŋ zaŋsyz ainalymy, jeke tūlǧalardyŋ Qazaqstan Respublikasynyŋ aumaǧyna zaŋsyz köşıp-qonu qaupınıŋ artuyna alyp keluı mümkın. Osyǧan bailanysty, Sızden osy joba boiynşa «TOLAGAI-2050» JŞS-qa qatysty tergep-tekseru jürgızudı jäne Qazaqstan Respublikasynyŋ qoldanystaǧy zaŋnamasyna säikes qajettı şaralardy qabyldaudy sūraimyz», - dep tüiındedı sözın Sarym.
Ūqsas jaŋalyqtar
