11 jeltoqsan künı Energetika vise-ministrı Jandos Nūrmaǧanbetov qyzmetınen kettı. Būl turaly Energetika ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Nūrmaǧambetovtıŋ elektr energetikasy, jylu elektr stansiialary, jaŋartylatyn energiia közderı salalaryn qadaǧalaǧany belgılı.
Nūrmaǧanbetov basşylyqpen janjaldasyp qalǧany üşın jūmystan şyǧyp kettı degen qaueset tarady. Osyǧan qatysty ministrlık tüsınıkteme berdı.
"Energetika vise-ministrı Jandos Nūrmaǧambetov 15 qaraşa men 15 jeltoqsan aralyǧynda eŋbek demalysyna şyǧyp, basqa jūmysqa auysuyna bailanysty keiın jūmystan bosatyldy.
Vise-ministr men vedomstvo basşylyǧynyŋ arasyndaǧy kikıljıŋ turaly jelıde taralyp jatqan aqparat şyndyqqa säikes kelmeidı", – dedı energetika ministrlıgı.
Aita keteiık, Jandos Nūrmaǧanbetov 2021 jyldyŋ 13 jeltoqsanynda energetika vise-ministrı boldy.
1981 jyly Jambyl oblysynda düniege kelgen. Böketov atyndaǧy Qaraǧandy memlekettık universitetın, Halyqaralyq biznes universitetın, Qorqyt Ata atyndaǧy Qyzylorda memlekettık universitetın, QMEBİ-dı bıtırgen.
Eŋbek jolyn 2003 jyly jeke qūrylymdarda bastady.
- 2005-2010 jyldary - "Qyzylorda aimaqtyq elektr energetikasy kompaniiasy" AQ bas direktory.
- 2011-2013 jyldary - Qyzylorda qalasy SPK ŪK AQ basqarma töraǧasy.
- 2013-2019 jyldar aralyǧynda jeke kompaniiada jūmys ıstegen.
- 2020 jyldan bastap qazırgı uaqytqa deiın "KEGOC" AQ strategiia jäne damu jönındegı basqaruşy direktory qyzmetın atqardy.
